Isaya 45:5 - MUMA MALER 2015

⁵ An e Ruoth Nyasaye, kendo moro onge. Adier, onge Nyasaye moro mak mana an. Kata obedo ni pok ing’eya, to abiro miyi teko,

Motingʼo Loko Manyien

⁵ An e Jehova Nyasaye, kendo moro onge; onge Nyasaye moro makmana an. Anamiyi teko, kata obedo ni pok iyanga kamano,

Isaya 45:5 ပူးပေါင်းရင်းမြစ်များ

1 Ruodhi 8:60

Ji duto mae piny ngima mondo ong’e ni Ruoth Nyasaye kende e Nyasaye, kendo onge moro.

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Ayub 12:18

Oriembo ruodhi, kendo oketogi e tuech.

Ayub 12:21

Okuodo wi joma nigi loch, kendo otieko teko jotelo.

Zaburi 18:31

Ere nyasaye moro mak mana Ruoth Nyasachwa? Koso ere lwanda moro mak mana Nyasachwa?

Zaburi 18:32

En e Nyasaye mamiyo abedo motegno, kendo mamiyo yorena bedo moboch.

Zaburi 18:33

En ema omiyo tienda bedo mayot ka tiend mwanda, kendo orita gi kue e gode.

Zaburi 18:39

Ne imiya teko mar kedo, kendo mar loyo wasika.

Zaburi 86:10

nimar in kendi Nyasaye, ema iduong’, kendo in ema itimo gik malich ma iwuoro.

Wuok 9:14

To wang’ni, ka ok itimo kamano, to in ema abiro kumi kaachiel gi jodongi kod jogi, kakelonu sand duto mondo ing’e ni onge ng’at marom koda e piny ngima.

Isaya 22:21

Anarwake gi lawi mar duong’, mi asidhne kilembani, kendo enobed wuon jo-Jerusalem gi jo-Juda

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Isaya 45:6

mondo ji man yo wuok chieng’ gi yo podho chieng’ ong’e ni onge Nyasaye moro mak mana an.

Isaya 46:9

Kik wiu wil gi gik mane otimore chon, nimar an Nyasaye, kendo onge moro. Adier, an Nyasaye, kendo onge moro marom koda.

Isaya 47:8

Emomiyo koro winj wachni, in dala machalo nyako mohero ngima mamalo, kendo obet e kom loch ka ok dew gimoro, to wacho e chunye niya, “An kenda ema antie. Onge ng’at moro machielo marom koda. Ok nachal gi chi liel, kendo nyithinda ok notho ngang’.”

Ezekiel 30:24

Bang’e anami bad ruodh Babulon bed motegno, mi aket liganglana e lwete. Bad ruodh Misri to abiro turo, mi nochur ka otho e nyim ruodh Babulon.

Joel 2:27

Bang’e unung’e ni an e dieru, un jo-Israel, kendo ni an Ruoth Nyasaye e Nyasachu, maonge moro kendo, bende joga ok nochak ojar kendo.

Johana 1:1

Kar chakruok, Wach ne nitie. Wach ne ni kod Nyasaye, kendo Wach ne en Nyasaye.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

Rapar mar Chik 4:35

Mago duto Ruoth Nyasaye notimo mondo onyisu ni en Nyasaye. Onge Nyasaye moro mak mana en.

Rapar mar Chik 4:39

Kuom mano koro beduru gi adiera, kendo ung’e ni Ruoth Nyasaye en Nyasaye, kendo onge nyasaye moro e polo kata e piny.