Isaya 45:3 - MUMA MALER 2015

³ Anamiyi mwandu mopandi e mudho, kendo mokan kuonde mopondo, mondo eka ing’e ni an e Ruoth Nyasaye ma Nyasach Israel, ma luongi gi nyingi.

Motingʼo Loko Manyien

³ Anamiyi mwandu mopandi e mudho, mwandu mokan kuonde mopondo, mondo omi ingʼe ni An e Jehova Nyasaye ma Nyasach Israel, maluongi gi nyingi.

Isaya 45:3 ပူးပေါင်းရင်းမြစ်များ

2 Weche mag Ndalo 6:17

To koro Ruoth Nyasaye ma Nyasach Israel, wachni ma iwacho ni Daudi jatichni mondo otimre.

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Wuok 33:12

Musa nowacho ni Ruoth Nyasaye niya, “En adier ni isenyisa mondo atel ni jogi nyaka piny Kanaan, to pok inyisa ng’at ma ibiro orago. To bende isewacho ni ing’eya maber, kendo imor koda.

Wuok 33:17

Mi Ruoth Nyasaye nodwoko Musa niya, “Abiro timo mana kaka isekwayo, nikech amor kodi, kendo ang’eyi maber.”

Isaya 41:23

Nyiswauru ane gik mabiro timore e kinde mabiro, mondo wayie ni kara un nyiseche adier. Timuru ane gimoro, maber kata marach, manyalo miyo wang’eng’ mi wadhier nono.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 48:15

An awuon ema asewacho kamano. Adier, an ema aseluonge, mi akele, omiyo gik mochano duto biro dhi maber.

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Jeremia 41:8

To ji apar kuom jogo nosayo Ishmael, kawachone niya, “Kiyie to kik inegwa! Wan gi cham gi mor zeituni kod mor kich mwasepando e bungu.” Omiyo noweyogi, mi ok onegogi kaka ne onego jowadgi mamoko.

Jeremia 50:26

Monjuru Babulon kuonde duto koni gi koni, mondo umuk derene. Dhururu gik muyako ka pidhe mag cham. Kethuru dalano ma kik gimoro dong’ie.

Jeremia 50:37

Oseketh faresegi gi gechegi mag lweny. Tho ochopo kuom jolweny mane ondiko, mi gilokore mayomyom ka mon. Oseketh mwandune kendo oyakgi.

Jeremia 51:13

Babulon en dala man gi aore mang’eny, kendo en gi mwandu mogundho, to kata kamano oserumo, kendo tond ngimane osechot.

Jeremia 51:53

Kata da bed ni Babulon nyalo idho, mi tundi e polo, kendo ger udi motegno kuno, to pod daor ji mondo okethe. An Ruoth Nyasaye ema awacho kamano.