Isaya 45:22 - MUMA MALER 2015

²² Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Motingʼo Loko Manyien

²² “Biuru ira un joma oa e tungʼ piny gi tungʼ piny nimar unuyud resruok; nimar an Nyasaye, kendo onge moro amora.

Isaya 45:22 ပူးပေါင်းရင်းမြစ်များ

2 Weche mag Ndalo 20:12

A Nyasachwa, donge ibiro kumogi? Wan waonge gi teko ma dwasirgo oganda maduong’ mabiro monjowani! Ok wang’eyo gima dwatim, to wageno mana kuomi.”

Zaburi 22:17

Chokena duto neno, kendo wasika duto ranga ka nyiera.

Zaburi 22:28

Ruoth Nyasaye e ruodh piny, kendo ogendini duto ni e bwo lochne.

Zaburi 65:5

A Nyasachwa kendo jawarwa, idwokowa kitimo gik madongo miresowago. In ema ji duto modak e piny ogeno kuomi, koda ka joma odak kuonde maboyo loka nam.

Zaburi 65:6

Iguro gode gi tekoni mondo gisik kuonde ma iketogie. Mano nyiso tekoni maduong’.

Isaya 30:15

Ruoth Nyasaye ma Ng’ama Ler mar Israel owacho niya, “Kuduogo ira, mi ubedo gi kue, to unuyud resruok. Bende kudemboru, kendo uketo genou kuoma, to un ubed gi teko.” To kata kamano ne udagi,

Isaya 41:22

Nyisecheu mondo obi onyiswa ane gik matimore. Onego ginyiswa ane tiend gik mane osetimore.

Isaya 43:6

Abiro wacho ni jo-nyandwat ni mondo oweu. Jo-milambo to abiro nyiso niya, “Kik ugeng’nigi,

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Isaya 45:5

An e Ruoth Nyasaye, kendo moro onge. Adier, onge Nyasaye moro mak mana an. Kata obedo ni pok ing’eya, to abiro miyi teko,

Isaya 49:12

Neuru! Ginibi ka gia kuonde maboyo. Moko noa yo nyandwat gi yo podho chieng’, to moko noa e piny Syene yo milambo.”

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 55:5

Kamano un bende unuluong ogendini ma ok ung’eyo mondo obi, mi ogendini ma ok ong’eyou noring ka biro iru, nikech Ruoth Nyasaye ma Ng’ama Ler mar Israel, osemiyou duong’.

Isaya 55:6

Dwaruru Ruoth Nyasaye kapod kinde nitie minyalo yudego. Adier, ywagneuru ka pod en machiegni.

Isaya 60:3

Ogendini gi ruodhigi nobi e lerni mathinyore.

Isaya 66:18

An Ruoth Nyasaye, ang’eyo timbegi kaachiel gi parogi, bende abiro choko ogendini duto, gi dhoudi mawacho dhok mopogore opogore, kendo ginibi mi gine duong’na maler,

Jeremia 33:16

E ndalogo nores jo-Juda, kendo jo-Jerusalem nodag gi kue. Omiyo ginichak dalagi ni, ‘Ruoth Nyasaye moresowa.’

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Mika 5:4

To wuowino nobi, mi nobed jatend joge, koritogi gi teko kod duong’ moa kuom Ruoth Nyasaye. Joge nodag maber, nikech ji duto manie piny noyie lochne,

Mika 7:7

An to abiro manyo Ruoth Nyasaye. Abiro rito Nyasaye jawarna, kendo Nyasacha biro winjo wachna.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Johana 6:40

Adier, Wuora dwaro ni mondo ng’ato ang’ata moneno Wuowi, mi oyie kuome, oyud ngima ma nyaka chieng’; kendo anachiere chieng’ giko piny.”

Tito 2:13

kendo warito gueth ma wageno yudo, ma en fwenyruok mar duong’ maler mar Kristo Yesu, Nyasachwa maduong’ kendo Jawar.

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

2 Petro 1:1

An Simon Petro, ma misumba Yesu Kristo kendo jaotene, ema andikonu baruani, un joma osenwang’o yie ma nengone tek marom gi yiewa, nimar Nyasachwa kendo Jawarwa Yesu Kristo ema ne omiyowago kuom adierane.