Isaya 45:2 - MUMA MALER 2015

² An to anatel nyimi mondo apie gode mogangore. Anatur dhorangeye molos gi mula, kendo nang’ad lodi mag nyinyo.

Motingʼo Loko Manyien

² Abiro telo e nyimi kendo abiro pieyo gode madongo mogangore; anamuk dhorangeye mag nyinyo kendo anangʼad ndigni mag dhorangeye mag chuma.

Isaya 45:2 ပူးပေါင်းရင်းမြစ်များ

Zaburi 107:16

Omuko dhorangeye mag mula, kendo oturo lodi mag nyinyo.

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 24:12

Dalano nodong’ mana gunda, kendo dhorangach notur matindotindo.

Isaya 40:4

Hohni duto nobugi kendo gode duto nopie. Yore motimo gogni bende nobed maler, kendo kuonde motimo gode nobed pewe.

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Isaya 48:15

An awuon ema asewacho kamano. Adier, an ema aseluonge, mi akele, omiyo gik mochano duto biro dhi maber.

Jeremia 28:13

mondo odhi onyis Hanania niya, “Ruoth Nyasaye osewacho ni inyalo turo jok mar yien, to obiro keto jok mar nyinyo kare.

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Jeremia 51:58

Ohinga mapek mar Babulon ibiro ruomb piny, kendo dhorangeyene maboyo nowang’ pep. Tich maduong’ mane ogendini tiyo koro nobed gima nono, nikech tichgi duto koro osewang’ morumo pep. An Ruoth Nyasaye Manyalo Gik Moko Duto ema awacho kamano.”

Daniel 5:28

POGRUOK nyiso ni pinyi osepogi, mi omi jo-Media gi jo-Persia.”

Daniel 8:4

Ne aneno imno ka tuomo gimoro amora moyudo e nyime, kochomo yo podho chieng’ gi yo nyandwat kod yo milambo. Onge gima ne nyalo geng’o kata reso gimoro e tekone, ne otimo gimoro amora mohero, kendo nochikore konyiso ni oratego.

Nahum 3:13

Jolwenji nodok manyap ka mon. Dhorangeye mag pinyi noyawre malach ni wasigu, kendo mach nowang’gi pep.

Luka 3:5

Hohni duto nobugi, kendo gode duto nopie. Kuonde mogondore nochikre tir, kendo yore motimo gogni nobed maler.

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.