Isaya 45:19 - MUMA MALER 2015

¹⁹ Ok awuo ling’ling’, kama opondo e piny motimo mudho, bende pok awacho ni joka Jakobo ni mondo okwaya gima ok asechano ni abiro miyogi. An Ruoth Nyasaye awacho adier. Ahulo mana gik ma ratiro.

Motingʼo Loko Manyien

¹⁹ Ok asewuoyo kama opondo, kata kama otimo mudho; ok asewachone nyikwa Jakobo ni, ‘Manyauru kayiem nono.’ An, Jehova Nyasaye, awacho adiera; awacho gima kare.

Isaya 45:19 ပူးပေါင်းရင်းမြစ်များ

1 Weche mag Ndalo 28:8

To koro akwayou uduto e nyim Nyasaye, kendo e nyim jo-Ruoth Nyasaye duto ni mondo unon matut chike mag Ruoth Nyasaye ma Nyasachu, mondo piny maberni osik maru, kendo uweye kodong’ ni nyithindu nyaka chieng’.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

2 Weche mag Ndalo 7:14

to ka joga miluongo gi nyinga obolore ka lama kendo dwara, ka giweyo yoregi maricho, eka nawinj e polo, mi nawenigi richogi kendo nares pinygi.

Ezra 8:22

Wiya nokuot kwayo ruoth askeche gi joidh farese ma diritwa e yo kuom wasigu, nikech ne wasewachone ni Nyasaye guedho jogo duto madware, kendo timonigi maber. To mirimbe mager ni kuom jogo duto moweye.

Zaburi 12:6

Weche Nyasaye gin weche migeno, nikech giliw ka fedha moleny e mach dibiriyo.

Zaburi 24:6

Mano hap joma dwaro Nyasach Jakobo.

Zaburi 69:13

A Ruoth Nyasaye, an to abiro lami. Dwoka, yaye Nyasaye, e sa asaya mihero, nikech herani duong’, kendo nimar irito singruok mane itimo ni niwar ji.

Zaburi 69:32

Ka jochan neno kamano, to gibiro bedo mamor, kendo jogo malamo Nyasaye, chunygi biro duogo.

Zaburi 78:34

To kane ochako negogi, joma odong’ nolokore odok ire, kendo olame matek.

Zaburi 9:10

A Ruoth Nyasaye, joma ong’eyi keto genoo margi kuomi, nimar in ok ijwang’ ng’ato ang’ata moringo obiro iri.

Ngeche 1:21

Bende oluongo matek e dhoranga dala, kod kuonde duto ma ji chokoree.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 30:5

“Nyasaye rito singruok duto motimo. En okumba ni jogo duto madwaro ni mondo okony.

Ngeche 8:6

Chikuru itu nikech adwaro nyisou weche mabeyo moloyo. Weche duto ma awachonu ni kare.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 43:12

An ema asekoro wach, kanyisou malong’o gik mabiro timore, to nyisecheu manono ok osetimo kamano. Un e joneno maga! An Ruoth Nyasaye ema awacho kamano.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:23

An Nyasaye mangima asekuong’ora! Adier, gima owuok e dhoga en adier, kendo ok nyal lokore. Asesingora ka awacho niya, “Ji duto nogona chonggi piny, kendo ng’ato ka ng’ato nokuong’re ni biro luwa.”

Isaya 45:25

Nyikwa Israel duto nolochi kendo noyud duong’, mana nikech Ruoth Nyasaye.’

Isaya 48:16

Suduru machiegni koda mondo uwinj wachnani: Nyaka nene pok asewuoyo ling’ling’. Chieng’ mane gigo duto chakore ne antie.” (To koro Ruoth Nyasaye oseora, kaachiel gi Roho mare.)

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Isaya 65:9

Anami Jakobo nyikwayo ma noluw bang’e, kendo anami Juda jocham gikeni ma nikaw godena. Ee, joga moyier ma jotichna nokaw pinyno mi dagie.

Isaya 8:19

Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Amos 5:4

Ruoth Nyasaye wacho ni jo-Israel niya,

Johana 18:20

To Yesu nodwoke niya, “Pile asewuoyo ratiro e nyim piny duto. Asebedo ka apuonjo kuonde lemo, kendo e Hekalu, ma jo-Yahudi duto chokoree, bende pok awacho gimoro ling’ling’.

Johana 7:26

To winjuru kaka opuonjo ji mana e lela, to onge ng’ama wachone gimoro. Koso dibed ni jodongwa ong’eyo ni en Mesia?

Johana 7:28

Mano nomiyo Yesu owacho gi dwol maduong’, kopuonjo e Hekalu niya, “En adier ni ung’eya, kendo en adier ni ung’eyo kuma aaye, to kata kamano ok asebiro gi tekona awuon. Jal mane oora e wuon adiera, to un ok ung’eye.

Rapar mar Chik 29:29

“Nitie gik moko mopondo, to gin mag Ruoth Nyasaye ma Nyasachwa, to gik moelnwa tiendgi ema omiwa kaachiel gi nyikwawa nyaka chieng, omiyo wanyalo timo gik moko duto ma chikni dwaro.

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.