Isaya 44:6 - MUMA MALER 2015

⁶ Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Motingʼo Loko Manyien

⁶ “Ma e gima Jehova Nyasaye Maratego ma Ruodh Israel kendo Jawarne wacho: Anie mokwongo kendo e mogik; onge Nyasaye moro kendo mopogore koda.

Isaya 44:6 ပူးပေါင်းရင်းမြစ်များ

Zaburi 86:10

nimar in kendi Nyasaye, ema iduong’, kendo in ema itimo gik malich ma iwuoro.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 37:16

“A Ruoth Nyasaye Manyalo Gik Moko Duto, ma Nyasach Israel, mobet ewi kerubi kaka ruoth bet e komduong’ne, in kendi e Nyasach ogendini duto mae piny, kendo in ema nichueyo polo gi piny.

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 40:18

En ng’a ma dipim gi Nyasaye? Koso ang’o ma diwachi ni chal kode?

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 41:21

Ruoth Nyasaye ma Ruodh joka Jakobo wacho niya, “Biuru, uwach wachu ane.

Isaya 41:4

To koro apenjo ni, mano en tij ng’a? Koso en ng’a mamiyo mago duto timore? En ng’a mamiyo tienge luwore nyaka ne piny chakre? En mana an, Ruoth Nyasaye. An ema akwongo, kendo anie nyamgiko.

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:9

Ogendini duto mondo ochokre kaachiel. Ere nyasachgi mane osekoroe gima kama, kata mosehuloe gimoro ka pok otimore? Weuru gikel joneno mondo onyis ane gik mane gitimo, mondo gilo bura, ka wachgi en adier.

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 48:12

“Winjauru un joka Jakobo. Ee, chikuru itu, un jo-Israel, un joma aseluongo. An e En. An e mokwongo, kendo an e mogik.

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Isaya 59:20

Enobi ka jawar mar Sayun. Ee, nobi mondo ores nyikwa Jakobo moseweyo richogi. Ruoth Nyasaye ema owacho kamano.

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Jeremia 10:1

Un jo-Israel winjuru wach ma Ruoth Nyasaye osewachonu:

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Malaki 1:14

Okuong’ ng’at ma jawuond ma timona misango gi chiayo modwanyore kamano mondo ochopgo kuong’ruokne, to oweyo chiache maber e kul. An e ruodh ruodhi, kendo ogendini duto oluora!”

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 27:37

Wach modonjnego, mawacho ni, “JALI E YESU, RUODH JO-YAHUDI”, noket e wi msalaba malo.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

Rapar mar Chik 4:35

Mago duto Ruoth Nyasaye notimo mondo onyisu ni en Nyasaye. Onge Nyasaye moro mak mana en.

Rapar mar Chik 4:39

Kuom mano koro beduru gi adiera, kendo ung’e ni Ruoth Nyasaye en Nyasaye, kendo onge nyasaye moro e polo kata e piny.

Rapar mar Chik 6:4

“Winjuru un jo-Israel. Ruoth Nyasaye e Nyasachwa, en e Ruoth Nyasaye, kendo en kende e Nyasaye.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Fweny 1:11

Nowacho niya, “Gik moko duto mineno, ndiki e kitabu. Bang’e ior kitabuno ni kanyakla abiriyo mag jo-Kristo man: Efeso, Smurna, Pergamo, Thuatiro, Sarde, Filadelfia, kod Laodikia.”

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 2:8

“Ndik ni malaika mar kanyakla mar jo-Kristo man Smurna kama: ‘Weche mag Jal Mokwongo kendo Mogik e magi. En e Jal mane otho, kendo ochako obedo mangima.

Fweny 22:13

An Alfa gi Omega, tiende ni Jal Mokwongo kendo Mogik, kendo Chakruok gi Giko.”