Isaya 44:2 - MUMA MALER 2015

² An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Motingʼo Loko Manyien

² Ma e gima Jehova Nyasaye, jal mane ochweyi, ei minu, kendo mabiro konyi wacho: Kik ibed maluor, yaye Jakobo jatichna, in Jeshurun maseyiero.

Isaya 44:2 ပူးပေါင်းရင်းမြစ်များ

Zaburi 46:5

Nyasaye odak e dalano, omiyo dalano ok nyal lo. Ee, Nyasaye biro konye gokinyi mang’ich.

Zaburi 71:6

Asetenora kuomi nyaka ne nywola, bende isebedo kirita nyaka ne aa ei mama. Pile abiro bedo ka apaki.

Zaburi 95:6

Biuru, wakulre piny e nyim Ruoth Nyasaye ma Jachuechwa, mondo walame, kwagoyone chongwa piny,

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 41:8

To un jo-Israel jotichna, aseyierou, mi agolou e giko piny kuonde mane untie. Adier, un nyikwa Jakobo ma aseyiero, kendo ma koth Ibrahim osiepna,

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:21

Gin ji mane atimo ogandana awuon, mondo oland weche ma miya duong’.

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Isaya 43:7

to keluru yawuota gi nyiga, kugolo kuonde maboyo. Adier, kelgiuru kugologi e tung’ piny koni gi koni. Chutho, keluru ji duto ma iluongo gi nyinga, ma asechueyo, kendo asetimo oganda. Gin joma asechueyo, mondo ayud duong’.

Isaya 44:21

“Parieuru mago duto un nyikwa Jakobo. Adier, un jo-Israel, paruru ane, nimar un jotichna, omiyo kik wiu wil koda.

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 45:11

An Ruoth Nyasaye ma Ng’ama Ler kendo ma Jachuech Israel awacho kama: “Bende duhedhru penja gimoro kuom nyithinda, kata nyisa gima onego atim?

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Isaya 49:5

Koro Ruoth Nyasaye mane ochueya ei mama mondo abed jatichne kendo adwok jo-Israel ma nyikwa Jakobo ire, wacho niya,

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Jo-Rumi 8:30

Joma ne Nyasaye oyierogo ema noluongo, kendo joma noluongogo nomiyo obet e winjruok kode, bende joma osemiyo obet e winjruok kodego ema opogonigi duong’ne maler.

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Rapar mar Chik 33:26

“Onge nyasaye moro machal gi Nyasach joka Jeshurun maringo e kor polo e duong’ne maler mondo okonyu.

Rapar mar Chik 33:5

Ruoth Nyasaye nodoko Ruodh Israel ma bende iluongo ni jo-Jeshurum, kane jodong dhoutgi ochokore kaachiel.”

1 Jo-Thesalonika 1:4

Wang’eyo, owetewa, ni Nyasaye oherou kendo oseyierou mondo ubed joge owuon,

Jo-Hibrania 4:16

Emomiyo wasuduru gi chir e nyim kom Nyasachwa mang’won, mondo okechwa, kendo okonywa kuom ng’wonone e kinde ma wadwaroe kony.