Isaya 44:17 - MUMA MALER 2015

¹⁷ Bang’e bath yadhno modong’ to opayo, kendo olosogo nyasaye, mokulorene nyaka e lowo, kendo olamo, kowacho niya, “Resa, nimar in e nyasacha!”

Motingʼo Loko Manyien

¹⁷ Bath yien modongʼ opayo mi olosgo nyasaye, mokulorene kendo olamo. Olame kowacho niya, “Resa in e nyasacha.”

Isaya 44:17 ပူးပေါင်းရင်းမြစ်များ

Isaya 45:20

Chokreuru usud machiegni, un joma otony e ogendini. Mano kaka ufuwo, un joma ting’o nyiseche molos gi yien, kendo malamo nyasaye ma ok nyal reso ji.

Daniel 6:27

En ema owaro ji kendo oreso, kendo en ema otimo honni e polo gi piny. Ne oreso Daniel e dho sibuoche.”

Daniel 6:16

Mano omiyo ruoth nogolo chik, mi okaw Daniel owiti e bur sibuoche. To nowacho ni Daniel niya, “Onego Nyasachi ma itiyone gi adiera duto, resi e masirani.”

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Isaya 37:38

To chieng’ moro, kane oyudo olemo e od Nisrok nyasache, yawuote ma Adramelek gi Sharezer nobiro monege. Bang’e ne giringo, mi gidhi e piny Ararat, to Esarhadon nodoko ruoth kar Senakerib wuon mare.

1 Ruodhi 18:26

Omiyo ne gikawo rwath, mi giyang’o, kendo ne giluongo nying Baal, chakre okinyi nyaka odiechieng’, ka giwacho niya, “Baal, yie idwokwa!” To ne onge dwoko kata matin. To koro ne gichikore achika ka gilworo kendo-mar-liswa mane giseloso.

Tich Joote 19:27

Koro en wach marach ni ji biro chayo tijwani, to bende gibiro chayo hekalu mar Artemi ma nyasaye madhako marahumani! Kendo mano dimi duong’ duto ma nyasachwa nigo lala nono, to en e nyasaye ma jo-Asia duto kod piny ngima lamo!”

1 Ruodhi 18:28

Omiyo ne gimedo kok matek, ka ging’olore gi pelni kod ligengni, kaka kit timgi nobet, nyaka rembgi nochuer.

Isaya 2:8

To bende opong’ gi nyiseche manono ma lwetu uwegi ema oloso, ni to mago ema ulamo!

Isaya 44:15

Dir yadhno omoko mach mondo oo, to dire moko ochwakogo chiemo. Moko to olosogo nyasaye molamo kokulorene piny.

Isaya 44:16

Adier, dir yadhno konchiel to ochwako, kendo obuloe ring’o mondo ocham, moyieng’. To bende ooyo majno, kowacho niya, “Ero! Awinjo maber, kendo denda yudo liet.”

Isaya 46:6

Dupima gi nyasaye ma dhano loso koso? Joma dwaro nyasaye machal kamano kawo dhahabu mang’eny, kendo pimo fedha e ratil, eka gindiko jatheth mondo olosnigigo nyasayeno. Bang’e gilame ka giriere piny e nyime.

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

Jeremia 2:27

Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Mika 5:12

Abiro ketho timbe ajuoke duto, kendo ok nuchak ubed gi jokor wach kata achiel.

Habakuk 2:19

Unune malit, un joma wacho ni yath mopa mondo ochiew, kendo ma kwayo kidi mondo oa malo. Bende gik makamago dikelnu wach moa kuom Nyasaye adier? Obawgi gi fedha kod dhahabu, kendo gionge gi ngima.