Isaya 43:7 - MUMA MALER 2015

⁷ to keluru yawuota gi nyiga, kugolo kuonde maboyo. Adier, kelgiuru kugologi e tung’ piny koni gi koni. Chutho, keluru ji duto ma iluongo gi nyinga, ma asechueyo, kendo asetimo oganda. Gin joma asechueyo, mondo ayud duong’.

Motingʼo Loko Manyien

⁷ ngʼato angʼata miluongo gi nyinga, ngʼat mane achweyo mondo omiya duongʼ, ngʼat mane achweyo kendo amiyo ngima.”

Isaya 43:7 ပူးပေါင်းရင်းမြစ်များ

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 50:23

Ng’at ma goyo erokamano, ema timona misango ma miya duong’, kendo ng’at ma oluora, ema anawar.”

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 29:23

nikech ka nyikwaye oneno gima asetimo ni ogandagi, to ginimi nyinga duong’. Ee, ginidend Ng’ama Ler mar Jakobo. Adier, ginimi Nyasach Israel luor.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:21

Gin ji mane atimo ogandana awuon, mondo oland weche ma miya duong’.

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 46:13

Akelo resruok mara machiegni. Ok en mabor ngang’! Adier, kony ma akelo ok bi deko. Anares ji Sayun, mondo jo-Israel mamiya duong’ oyud konyruok.

Isaya 48:11

Ne atimo kamano nikech nyinga. Ee, mana nikech nyinga awuon, nimar ere kaka dayie mondo nyinga okethre? Ok ayie mondo duong’ ma imiya omi nyasaye moro machielo.

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 63:19

Kuom ndalo mang’eny osekwanwa ka joma ok nie bwo lochni, mana ka gima ok wan jogi iwuon.

Jeremia 14:9

Ere gima omiyo ichalo gi ng’at mobwok kata ka jalweny ma onge gi teko ma dokonygo ng’ato? Adier, in Ruoth Nyasaye in kodwa, kendo wan jogi, omiyo kik iwitwa.’ ”

Jeremia 33:16

E ndalogo nores jo-Juda, kendo jo-Jerusalem nodag gi kue. Omiyo ginichak dalagi ni, ‘Ruoth Nyasaye moresowa.’

Daniel 9:18

A Nyasaye, winjwa, kendo ng’i kuma wantie, mondo ineye thagruok ma wan go kod masira momako dala miluongo gi nyingi. Walami nikech ing’won ahinya, to ok nikech timbewa ni kare.

Daniel 9:19

A Ruoth Nyasaye winjwa, kendo iwenwa richowa. A Ruoth Nyasaye winjwa kendo ikonywa mak ideko, mondo ji duto ong’e ni in e Nyasaye, nimar dalani kod jogi gin magi.”

Amos 9:12

Bang’e jo-Israel nolo jo-Edom modong’ kaachiel gi ogendini mamoko duto ma chon yande meka.” Ruoth Nyasaye mabiro miyo gima kamano timore owacho kamano.

Johana 15:8

Ka unyago olemo mang’eny, to umiyo Wuora duong’. Kamano unyiso ni un jopuonjrena.

Tich Joote 11:26

to kane osenwang’e nokele Antiokia. Kuom higa ngima ji ariyogo nochokore gi jo-Kristo.

Jo-Rumi 9:23

To bende notimo kamano mondo omigo ji ong’e duong’ne kaka lich. En duong’ ma omiyo joma otimonigi ng’wono, ma gin joma ne oseloso chon mondo oyud duong’ kamano.

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

Jo-Galatia 6:15

Kata ka oter ng’ato nyangu, kata ka ok oter, to mano ok gimoro, to gima dwarore en mana ni mondo ng’ato ochue chwech manyien.

Jo-Efeso 1:12

Notimo kamano mondo wan jo-Yahudi mane wakuongonu geno kuom Kristo, un joma ok jo-Yahudi, wami ji opak duong’ne maler.

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jakobo 2:7

Koso ok gin ema giwuoyo marach kuom nying moluor mochakuno?

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Petro 4:11

Ka ng’ato en jaland wach, to wach mowacho nyaka bed mana Wach Nyasaye, kendo ka ng’ato tiyo ni ji, to mondo oti mana gi teko ma Nyasaye chiwo, mondo Nyasaye oyud duong’ kuom gik moko duto mutimo kuom Yesu Kristo. En e wuon duong gi teko nyaka chieng’. Amin.

1 Petro 4:14

Ka iyanyou nikech nying Kristo, to kwanreuru ni un johawi, nikech koro Roho man gi duong’ ma en Roho mar Nyasaye, obedo kuomu.

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.

1 Samuel 12:22

Ruoth Nyasaye ok nojwang’ joge nikech dipo ka nyinge maduong’ okethore, nimar oseyierou mondo ubed joge owuon.