Isaya 43:4 - MUMA MALER 2015

⁴ Akwanou ka gima nengone tek, bende un joma ogen, ma ahero, omiyo achiwo pinje moko mondo awarugo. Adier, achiwo jomoko nono mondo aresgo ngimau.

Motingʼo Loko Manyien

⁴ Nikech in ngʼat makare kendo mogen e nyima kendo nikech aheri, abiro chiwo ji kar loi mondo aresigo kendo abiro chiwo ji mamoko mondo ochungʼ e loi.

Isaya 43:4 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Zaburi 112:9

Opogo gige ni jochan gi chuny maler. Ngwonone osiko nyaka chieng’. Obiro bedo gi teko, kendo obiro yudo luor.

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Isaya 49:5

Koro Ruoth Nyasaye mane ochueya ei mama mondo abed jatichne kendo adwok jo-Israel ma nyikwa Jakobo ire, wacho niya,

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Jeremia 31:3

omiyo ne athinyoranigi gi kuma bor. Kinde duto asebedo ka aherou, un jo-Israel, kendo pod asiko ka aherou mochwere.

Hosea 11:1

“Kane Israel pod tin, ne ahere. Naluongo wuoda mondo oa Misri.

Malaki 1:2

Ruoth Nyasaye owacho niya, “Aherou.” To usedwoke kupenje ni, “Ere kaka iherowa?” To Ruoth Nyasaye odwoko ni, “Donge Esau gi Jakobo ne gin owete? Kata kamano ahero Jakobo gi nyikwaye.

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.

Johana 16:27

nimar Wuoro owuon oherou, nikech uhera, kendo uyie ni ne aa ire.

Johana 17:23

ka an kuomgi, kendo in kuoma. Kamano gibed malong’o nyaka chop gibed achiel chutho, mondo piny ong’e ni niora, kendo iherogi kaka ihera.

Johana 17:26

Asemiyo ging’eyi, kendo abiro medo miyo ging’eyi, mondo hera miherago obed kuomgi, kendo an bende abed kuomgi.”

Johana 5:44

To ere kaka unyalo bedo gi yie, kuhero mondo ng’ato ka ng’ato oyud pak kuom wadgi, to ok utem mondo uyud pak moa kuom Nyasaye ma achiel kende.

Rapar mar Chik 14:2

nikech un joma ler mowal ni Ruoth Nyasaye ma Nyasachu. Ruoth Nyasaye noyierou kuom ogendini duto manie piny mondo ubed joge owuon.

Rapar mar Chik 26:18

Ruoth Nyasaye bende osehulo tinende ni un e joge owuon, marito chikene duto, kaka nosingorenu.

Rapar mar Chik 4:37

Nohero kwereu, moyiero nyikwagi, omiyo en owuon nogolou Misri gi tekone maduong’,

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.