Isaya 43:23 - MUMA MALER 2015

²³ Ok usetimona misengni miwang’o pep mag rombe, kendo ok usemiya duong’ kutimona misengni mamoko. To ok asechandou mondo utimna misengni mag cham, bende ok asemiyou ting’ mapek, ka adwaro ni mondo uwang’na ubani.

Motingʼo Loko Manyien

²³ Ok usechiwo rombe mondo otimnago misango miwangʼo pep, bende ok usemiya duongʼ gi misengini magu. Ok asemiyou tingʼ mapek mag chiwo mag cham, kata dwaro ni uwangʼna ubani.

Isaya 43:23 ပူးပေါင်းရင်းမြစ်များ

Nehemia 13:10

Nafwenyo bende ni jo-Lawi koro ne ok mi pokgi, omiyo gin, kaachiel gi jower, mane tiyo tich lemo mopogore opogore, ne gisedhi e puothegi.

Wuok 30:34

Ruoth Nyasaye nowacho ni Musa niya, “Kaw gik ma kiwang’o to ng’ue ng’ar, machalo dwogo gi sare gi mieny kod ubani maler. Pimgi maromre, kendo iketie chumbi

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Ngeche 3:9

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni.

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Jeremia 7:21

Ruoth Nyasaye Manyalo Gik Moko Duto ma Nyasach Israel owacho niya, “Chamuru achama misengni monego wang’ pep, kaachiel gi misengni moyienu chamo.

Jeremia 7:22

Kane agolo kwereu e piny Misri, ne ok awacho gimoro kuom misengni miwang’o pep kod misengni mamoko, kata golo chik kuomgi ne ok agolo.

Tim jo-Lawi 2:1

Ka ng’ato timo ni Ruoth Nyasaye misango mar cham, to nyaka ochiw mogo mayom, kendo ool mo kuome, mi omedie ubani.

Tim jo-Lawi 24:7

Unuket ubani maler e laini ka laini, mondo obed rapar mar makati michiwo ni Ruoth Nyasaye ka misango miwang’o.

Amos 5:25

“Apenjou, un jo-Israel, bende nutimona misengni, kendo ukelona chiwo kuom higni piero ang’wen mane utieko e thimgo duto?

Mika 6:3

Ruoth Nyasaye wacho niya, “Un joga, ere gima asetimonu? Ere kaka asemiyo ubedo mool? Dwokauru!

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Mathayo 11:30

Kamano unuyud yueyo e chunyu, nnimar lodi ma amiyou yom, kendo misika yot.”