Isaya 43:16 - MUMA MALER 2015

¹⁶ An Ruoth Nyasaye ema ne apogo nam, mondo yo obedie e kind pige mogingore madongo.

Motingʼo Loko Manyien

¹⁶ Ma e gima Jehova Nyasaye wacho, Jal manoloso yo e dier nam, kendo manoketo yo e kind pi mogingore,

Isaya 43:16 ပူးပေါင်းရင်းမြစ်များ

Nehemia 9:11

Nipogo nam diere e nyimgi, mi ging’ado ka giwuotho e lowo motwo, To joma ne lawogi niwito e kut ka kidi mowit e apaka mar nam.

Zaburi 106:9

Ne ogolo chik, mi Nam Makwar oduono, eka ne otelo ni joge mong’ade, mana ka gima en lowo motwo.

Zaburi 77:19

A Nyasaye, niwuotho, king’ado nam matut, to ger tiendi ne ok nyal ne.

Zaburi 77:20

Ne itayo jogi ka jakwath, ka gin e lwet Musa gi Harun.

Zaburi 78:13

Ne obaro nam, mi otelonigi nyaka gikadho, ka pi ogingore ka ohinga koni gi koni

Wuok 14:16

Kaw ludhi, irie e nam, mondo nam opogre koni gi koni, eka jo-Israel ong’ade, kawuotho e lowo motwo.

Wuok 14:29

To jo-Israel noseng’ado nam, ka wuotho e lowo motwo, ka pi ogingore koni gi koni.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 44:27

Nam matut, to awachone niya, ‘Duon! Abiro miyo aoreni two kururu.’

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Isaya 51:10

Donge in ema ne idwono pi ataro, mi iloko kuonde matut mag nam obedo yo, mondo joma owar okadhie?

Isaya 51:15

An e Ruoth Nyasaye ma Nyasachu, mamiyo nam gingore, mi apaka wuo. Nyinga en Ruoth Nyasaye Manyalo Gik Moko Duto.

Jeremia 31:35

Ruoth Nyasaye ema miyo chieng’ rieny godiechieng’, kendo omiyo due gi sulue rieny gotieno. En ema otago pi nam, kendo omiyo apaka wuo. Nyinge en Ruoth Nyasaye Manyalo Gik Moko Duto.

Fweny 16:12

Bang’e malaika mar auchiel noolo tape e aora maduong’ mar Yufrate, mi pige nodwono mondo yo olosre ni ruodhi mane biro a yo wuokchieng’.