Isaya 43:13 - MUMA MALER 2015

¹³ An e Nyasaye ma ok lokre nyaka chieng’. Gima amako onge ng’ama nyalo kawo, bende gima atimo, onge ng’ama nyalo ketho.”

Motingʼo Loko Manyien

¹³ Ee An ema asebetie nyaka aa chakruok. Gima amako onge ngʼama nyalo golo e lweta. En ngʼa manyalo ketho gima atimo?

Isaya 43:13 ပူးပေါင်းရင်းမြစ်များ

Ayub 10:7

To chutho ing’eyo ni aonge gi ketho, kendo aonge gi ng’ato ma diresa kuomi.

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Ayub 9:12

Gima odwaro ema okawo, kendo onge ng’ama nyalo tame, bende ong’e ng’ama nyalo penje gima otimo.

Zaburi 102:28

Kuom mano, nyithindwa nodag gi kue, kendo pile inirit nyikwagi.

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Zaburi 90:2

Kane pok ochue gode, kata kane piny pok obetie, in e Nyasaye ma nyaka nene kendo manyaka chieng’.

Zaburi 93:2

A Ruoth Nyasaye, kom duong’ni osebedo mogurore nyaka chon, kendo intie nyaka nene!

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Ngeche 8:23

Adier, ne okwongo chueya chon ahinya, kapok piny ochakore.

Isaya 14:27

nimar ka Ruoth Nyasaye Manyalo Gik Moko Duto ema ochano gimoro to ere ng’ama ditame, kendo ka en ema orieyo bade to ere ng’ama dimi odwok bade piny?

Isaya 41:4

To koro apenjo ni, mano en tij ng’a? Koso en ng’a mamiyo mago duto timore? En ng’a mamiyo tienge luwore nyaka ne piny chakre? En mana an, Ruoth Nyasaye. An ema akwongo, kendo anie nyamgiko.

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Isaya 46:4

Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.

Isaya 47:15

Kamano e kaka jathieth misechandorigo nyaka ne ia e nyathi biro bet. Moro ka moro nokwang’ kochiko yore owuon, kendo onge ng’ama noresi.

Isaya 48:16

Suduru machiegni koda mondo uwinj wachnani: Nyaka nene pok asewuoyo ling’ling’. Chieng’ mane gigo duto chakore ne antie.” (To koro Ruoth Nyasaye oseora, kaachiel gi Roho mare.)

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Hosea 2:10

Bang’e anagonye duk mana ka chodene neno, kendo onge ng’ama norese e lweta.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Habakuk 1:12

A Ruoth Nyasaye ma Nyasacha kendo ma Ng’ama Ler, donge in e Nyasaye ma nyaka nene kendo mochwere? A Ruoth Nyasaye ma Lwandawa, in ema iketo jo-Babulon mondo okumwa king’adonwa bura.

Kwan 23:20

Osechika mondo achiw gueth, omiyo abiro chiwo gueth, to ok anyal loko guethno.

Johana 8:58

To Yesu nodwokogi ni, “Adier, adier, awachonu ni, kane pok onywol Ibrahim to ne antie.”

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Rapar mar Chik 28:31

Unune dhou kiyang’o, to ok unubil ringgi. Nomau kenjeu kuneno, to ok nodwoknugi. Rombeu nomi wasiku, to onge ng’ama nokonyu.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

Jo-Hibrania 13:8

Yesu Kristo ok lokre, to en achiel, nyoro, tinende, kendo nyaka chieng’.

Joshua 2:2

To ruodh Jeriko noyudo wach ni jo-Israel moko osebiro kanyo gotieno mondo ocheng piny,

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”