Isaya 43:12 - MUMA MALER 2015

¹² An ema asekoro wach, kanyisou malong’o gik mabiro timore, to nyisecheu manono ok osetimo kamano. Un e joneno maga! An Ruoth Nyasaye ema awacho kamano.

Motingʼo Loko Manyien

¹² An awuon ema asenyisou, aseresou kendo asewachonu ni an ema asetimo magi ma ok nyiseche manono ma un-go e dieru. Jehova Nyasaye wacho niya, “Un e joneno maga ni an e Nyasaye.”

Isaya 43:12 ပူးပေါင်းရင်းမြစ်များ

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 37:7

nikech abiro miye chuny man gi kibaji, ma kowinjo wach moro marach, to noring odog e pinye, kuma nami onegee.’ ”

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:19

Ok awuo ling’ling’, kama opondo e piny motimo mudho, bende pok awacho ni joka Jakobo ni mondo okwaya gima ok asechano ni abiro miyogi. An Ruoth Nyasaye awacho adier. Ahulo mana gik ma ratiro.

Isaya 55:4

Ne akete mondo obed jaote ni ogendini duto. Ee, nakete jatelo kendo japuonj ji.

Rapar mar Chik 32:12

Ruoth Nyasaye kende ema otelonigi, ka onge nyasaye moro makonye.

Rapar mar Chik 32:16

Ne gimiyo nyiego omake kuom lamo nyiseche mamoko, kendo ne gimiye mirima gi timbegi makuero.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.