Isaya 43:1 - MUMA MALER 2015

¹ Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Motingʼo Loko Manyien

¹ To koro ma e gima Jehova Nyasaye wacho, Nyasaye mane ochweyi, yaye Jakobo, Nyasaye mane ochweyi, yaye Israel: “Kik ibed maluor, nimar aseresi; kendo aseluongi gi nyingi ni in mara awuon.

Isaya 43:1 ပူးပေါင်းရင်းမြစ်များ

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 102:18

Nyaka ndik gik ma Ruoth Nyasaye osetimo, mondo joma biro mapok onywol, chieng’ moro opake.

Wuok 15:13

Kuom herani mosiko isetelo ni joma niwaro. Kuom tekoni maduong’ isetelonigi nyaka kar dakni maler.

Wuok 15:16

Luoro gi kihondko omakogi, mi gichung’ achung’a ka siro, nikech duong’ mar tekoni. A Ruoth Nyasaye, gichung’ kamano, nyaka joma iloko jogi kadhi.

Wuok 33:17

Mi Ruoth Nyasaye nodwoko Musa niya, “Abiro timo mana kaka isekwayo, nikech amor kodi, kendo ang’eyi maber.”

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 43:21

Gin ji mane atimo ogandana awuon, mondo oland weche ma miya duong’.

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Isaya 43:7

to keluru yawuota gi nyiga, kugolo kuonde maboyo. Adier, kelgiuru kugologi e tung’ piny koni gi koni. Chutho, keluru ji duto ma iluongo gi nyinga, ma asechueyo, kendo asetimo oganda. Gin joma asechueyo, mondo ayud duong’.

Isaya 44:2

An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Isaya 45:11

An Ruoth Nyasaye ma Ng’ama Ler kendo ma Jachuech Israel awacho kama: “Bende duhedhru penja gimoro kuom nyithinda, kata nyisa gima onego atim?

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Jeremia 31:3

omiyo ne athinyoranigi gi kuma bor. Kinde duto asebedo ka aherou, un jo-Israel, kendo pod asiko ka aherou mochwere.

Jeremia 33:24

“Donge isewinjo ka ji wacho ni aseweyo jo-Israel gi jo-Juda, ma gin dhoudi ariyo mane ayiero? Kuom mano koro gicharo joga, kendo ok gikwan-gi ka joma nigi pinygi.

Jeremia 33:26

to eka anyalo ketho singruok mane atimo gi nyikwa Jakobo kendo gi Daudi jatichna, ni anaket nyakwar Daudi moro obed ruodh nyikwa Ibrahim gi Isaka kod Jakobo. Adier, abiro timonigi ng’wono mi gichak gidhi nyime maber.”

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Ywagruok 3:57

Ne isudo machiegni kane aluongi kamano, mi iwachona ni kik abed maluor.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Daniel 10:19

Nowachona niya, “Nyasaye oheri, omiyo kik chunyi parre kata kik iluor, to bed abeda gi chir.” Kane osewuoyo koda kamano, ne awinjo ka achako yudo teko moko, mi awachone niya, “Jaduong’ wachna gima idwaro nyisa nikech koro iseduogona teko.”

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.

Tich Joote 27:20

Kuom ndalo mathoth ne ok wanyal neno wang’ chieng’ kata sulue, kendo yamo nomedo kudho matek, mi geno mane oyudo wan-go ni dipo koreswa norumo chuth!

Tich Joote 27:25

Kuom mano owetena, beduru gi chir, nikech ang’eyo ni Nyasaye biro timo mana kaka osewachona.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Rapar mar Chik 32:6

Yaye, oganda mofuwo ma onge gi rieko, mano e kaka utimo ni Ruoth Nyasaye adier? Donge en e wuoru mane ochueyou? Donge en ema omiyou doko oganda maratego?

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.