Isaya 42:3 - MUMA MALER 2015

³ Kata mana odundu motore ok notur mi owiti ka gima nono, bende ok nosim kata mana taya maliel marachrach, to enong’ad bura mana gi adiera.

Motingʼo Loko Manyien

³ Kata obedo ni onenore kaka odundu mayom yom ok notur kendo kata obedo ni oliel ka taya ma mirimiri to ok notho. Enongʼad bura gadiera;

Isaya 42:3 ပူးပေါင်းရင်းမြစ်များ

Zaburi 147:3

bende oduogo chuny joma genogi oserumo, kendo othiedho adhondegi.

Zaburi 54:5

Richo wasika onego odog e wigi giwegi! A Ruoth Nyasaye, tiekgi nikech in jaadiera.

Zaburi 94:15

Bura nochak ong’ad kare kendo, mi ji makare duto noyiego.

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 42:2

Ok nokogi, kata nduru ok nogo, dwonde bende ok nowinji e yore.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 31:25

Anaduog chuny joma ool, kendo ng’ato ang’ata ma kech ohewo anami chiemo.

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Mika 7:9

Aseketho e nyim Ruoth Nyasaye omiyo ayie mirimbe nyaka ochwaka, mi ong’adna bura maber, kendo ogola oko e ler, mi ane ni otimo gima kare kaka nosingore.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 12:20

Kata mana odundu motore ok enotur, mi owit ka gima nono, kendo ok nosim kata mana taya maliel marachrach, nyaka chop okel bura makare kuonde duto.

Johana 20:27

Eka nowacho ni Thoma niya, “Kel lith leti ka, ine luetena. Lueti bende kel mondo iso e ng’etna. We bedo ng’at ma ok oyie, to bed ng’at man gi yie!”

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.