Isaya 42:22 - MUMA MALER 2015

²² To kata kamano jogi gin joma oyaki, kendo oter e tuech. Giduto gisenyumore e obadho mokunynigi, mi gilal e ut tuech. Omakgi, mi odhi kodgi mana ka gima gin gik moyaki, ma onge ng’ama nyalo resogi, kata wacho ni mondo odwokgi.

Motingʼo Loko Manyien

²² To jogi gin joma oyaki kendo omaa, giduto gisenyumore ma gimoko e bugni, kendo opandgi e ute mag twech. Gisebedo gik moyaki maonge ngʼama nyalo resogi; bende gichalo gik moyaki maonge ngʼama nyalo wacho niya, “Dwokgi.”

Isaya 42:22 ပူးပေါင်းရင်းမြစ်များ

Zaburi 102:20

mondo owinj ywak ma joma otue ywakgo, kendo mondo ogony jogo mane ong’adnigi buch tho.

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Isaya 1:7

Pinyu odong’ gunda, kendo miechu mach osewang’o, bende jopinje moko nono mayou chambu mana e wang’u kuneno. Adier, odong’ gunda, mana kaka Sodom nodong’, kosekethi.

Isaya 14:17

kendo miyo ruodhi tetni, mi lok piny thim, kendo mane ok gony joma osetueyo dog thuchegi?’

Isaya 18:2

Pinyno oro joote kaluwo aora Nael gi yiedhi mohondhi gi odundu. Un joote ma jong’wech, doguru ir jou, gin ji maboyo kendo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo.

Isaya 24:18

Ka uringo masira, to ununyumru e bur, kendo ka utony mak unyumoru e bur, to obadho nomaku, nikech masira biro lwar kuomu koa e polo, kendo piny duto noyiengni marach.

Isaya 24:22

Enochokgi mana ka joma omaki, mi ketgi e od tuech nyaka chop yalgi, kendo kumgi.

Isaya 24:3

Piny nodong’ nono haa, kendo nokethre chuth, nikech Ruoth Nyasaye ema osewacho kamano.

Isaya 36:1

E higa mar apar gang’wen, mar loch Hezekia, Senakerib ruodh Asuria nomonjo miech Juda mochiel motegno duto, mokawo.

Isaya 42:23

Un joma nyalo winjo wach, chikuru itu uwinji. Ee, chakre kawuono, chikuru itu.

Isaya 42:7

mondo iyaw wenge muofni kendo igol joma otue e mudho kuma gidakie.

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Isaya 5:29

Giywak mana ka sibuor maruto komako le, kendo dhigo ma onge ng’ama nyalo maye.

Isaya 51:23

To abiro kete e lwet joma sandi kendo thiri, mane owachoni niya, ‘Nind piny mondo wawuoth kuomi.’ Kamano ne inindo piny, mondo dieng’eyi olokre yo ma jowuoth luwo!”

Isaya 56:9

Biuru mondo uchiem un le mae pap kod mae thim,

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 52:31

Kane Jehoyachin ruodh Juda osetue higni piero adek gabiriyo, Evil-merodak ruodh Babulon nogonye. Mano notimore chieng’ due piero ariyo gabich due mar apar gariyo, e higa mane Evil-merodak ochakoe tich ruoth.