Isaya 42:21 - MUMA MALER 2015

²¹ Ruoth Nyasaye noneno ni ber mondo chikne obed gi duong’, mondo adierane olandre.

Motingʼo Loko Manyien

²¹ Jehova Nyasaye ne mor mondo chikne obed gi teko kod duongʼ, mondo adiera mare olandre.

Isaya 42:21 ပူးပေါင်းရင်းမြစ်များ

Zaburi 138:2

Akulora piny kachomo Hekalu mari maler, kapako nyingi nikech herani mosiko kod adierani, kendo nikech iseyaro singruokni, modoko malach ka polo.

Zaburi 40:8

Amor ahinya ka atimo gima idwaro. Ee, akano chikni e chunya.”

Zaburi 71:16

Ruoth Nyasaye, anapak timbeni madongo, kendo anahul timni makare. Ee, anahul timni kende.

Zaburi 71:19

A Nyasaye, timni makare tundo nyaka e polo malo! Isetimo gik madongo, omiyo onge ng’ama romo kodi.

Isaya 42:4

Ok nochwanyre kata chunye ok nonyosre to enokel adiera e piny, kendo pinje manie dhonembe rito mondo chikne obi.

Isaya 51:4

Winjuru un joga. Chikuru itu, yaye ogandana, nimar abiro golo chik, mi ami adierana bed taya ni ogendini.

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mathayo 3:15

To Yesu nodwoke niya, “We otimre kamano sani, nimar kamano e kaka watimo gik moko duto ma Nyasaye dwaro.” Mano omiyo Johana ne oyie mondo obatise.

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

Johana 15:10

Ka urito chikna, to eka usiko e herana, mana kaka an bende aserito chik Wuora, kendo asiko e herane.

Johana 8:29

Jal mane oora ni koda. Pod ok oweya kenda, nikech pile atimo mana gik malong’one.”

Jo-Rumi 10:4

To koro Kristo osemiyo Chik obedo maonge gi tich, komiyo ji duto moyie kuome, bet e winjruok gi Nyasaye.

Jo-Rumi 3:31

Koso uparo ni kwajiwo wach yie kamano to wamiyo Chik bedo maonge gi tich? Ooyo, ok kamano. Koro eka waguro Chik!

Jo-Rumi 7:12

Kuom mano, Chik Musa en gima ler, kendo chike moting’o bende ler, kendo kare, kendo beyo.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Jo-Galatia 3:21

To Chik mon gi singruok mar Nyasaye koso? Ooyo, ok kamano, nikech ka dine bed ni chik moro nyalo kelo ngima, to kara dhano dobet e winjruok gi Nyasaye kuom chik.

Rapar mar Chik 4:6

Ritgiuru adimba, nimar mano biro nyiso ogendini mamoko ni uriek. Ka giniwinj chikegi eki, to giniwach niya, ‘Onge oganda moro mariek ka oganda maduong’ni.’

Rapar mar Chik 4:8

Onge oganda moro kata bed ni oduong’ manade, man gi chike kod buche makare machal gi Chik ma aseketo e nyimu tinendeni.

Jo-Filipi 3:9

ka ariwora kode eringruok achiel. Koro ok adwar ni mondo okwana ka ng’ama dwaro bedo e winjruok gi Nyasaye nikech rito Chik, to adwaro bedo ng’ama Nyasaye osemiyo bedo e winjruok kode nikech oyie kuom Kristo.

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.