Isaya 42:16 - MUMA MALER 2015

¹⁶ Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Motingʼo Loko Manyien

¹⁶ Anatel ne muofni mondo owuothi e yore mane ok gingʼeyo, kuonde mapok giwuothoe ema anatagie; kendo anami mudho olokrenegi ler, kendo analos kuonde bugni bed mopie. Magi e gik ma abiro timo; kendo ok najwangʼ-gi.

Isaya 42:16 ပူးပေါင်းရင်းမြစ်များ

Zaburi 94:14

Nyasaye ok nojwang’ joge owuon kendo ok nowegi.

Eklesiastes 1:15

Gima obam ok inyal rieyo, bende ok inyal kwano gik maonge.

Eklesiastes 7:13

Parie gik ma Nyasaye osetimo. Ere kaka ng’ato nyalo rieyo gima Nyasaye osedolo?

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Isaya 29:18

Chieng’no, joma itgi odino nowinj wach, ka isomo kitabu, kendo joma wengegi osebedo kotimo mudho mandiwa, nonen.

Isaya 29:24

Joma parogi bayo noyud rieko, kendo joma wigi tek bende nopuonji!”

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 32:3

Wenge joma neno onge gima nomon neno, bende it joma winjo nowinj awinja.

Isaya 35:5

Bang’e muofni nonen, kendo joma itgi odino nowinj wach.

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 40:4

Hohni duto nobugi kendo gode duto nopie. Yore motimo gogni bende nobed maler, kendo kuonde motimo gode nobed pewe.

Isaya 41:17

Joma odhier kod joma chandore manyo pi, to ok ginwang’, omiyo dwondgi otwo nikech riyo, to an Ruoth Nyasaye abiro dwoko kwayogi. Adier, an Nyasach Israel ok najwang’gi.

Isaya 41:3

Olawogi koriembogi matek mana ka gima ohuyo, to en okadho maber mak ohinyore.

Isaya 45:2

An to anatel nyimi mondo apie gode mogangore. Anatur dhorangeye molos gi mula, kendo nang’ad lodi mag nyinyo.

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Isaya 52:12

To ok unuwuog kurikni, kendo ok noriembu, nikech Ruoth Nyasaye ma Nyasach Israel ema biro telo nyimu, kendo en bende ema obiro dong’nu chien.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Isaya 58:10

mi umiyo joma kech kayo chiemo, kendo ukonyo joma thagore gi gik ma gichando, to ler ma un go norieny e mudho, kendo kata mana tipou nobed maler ka odiechieng’.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Ezekiel 14:23

Bende ka uneno kaka richogi chalo, to unuyie, mi ung’e ni kara ne akumogi mana e wang’e. An Ruoth Nyasaye ema awacho kamano.”

Hosea 2:14

“To koro winjuru! Abiro kawe, mi atere e thim, kendo abiro wuoyo kode maber kuno, mi aduog chunye.

Hosea 2:6

“Kuom mano yo mokadhoe abiro dino gi kudho, kendo abiro gero ohinga ogeng’ yo moluwo, mondo kik ochak oluw yorene machon.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Luka 3:5

Hohni duto nobugi, kendo gode duto nopie. Kuonde mogondore nochikre tir, kendo yore motimo gogni nobed maler.

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Jo-Efeso 5:8

Chon ne un jomudho, to koro, kaka usedoko jo-Ruoth, un joler. Omiyo nyaka uwuoth ka joma nie ler,

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”

Joshua 3:4

Kuluwe kamano, eka unung’e yo monego uluw, nimar yandi pok ubiro koni. To kik usud machiegni kode; weuru thuolo ma dirom ondamo alufu achiel.”

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!