Isaya 42:14 - MUMA MALER 2015

¹⁴ An Ruoth Nyasaye, aseling’ kuom ndalo mang’eny, ka abedo gi kue, kendo ka aterora mos, to koro abiro ywak ka dhako ma muoch kayo, ka aomo chunya, kendo agamo yueyo.

Motingʼo Loko Manyien

¹⁴ Nimar kuom kinde mangʼeny aselingʼ, asehora kendo aseterora mos. To koro sani, abiro chalo mana ka dhako mamuoch kayo, maywak ka gamo yweyo matek.

Isaya 42:14 ပူးပေါင်းရင်းမြစ်များ

Ayub 32:18

Ok anyal rito kapok awuoyo, kendo ok anyal mono weche wuok e dhoga.

Ayub 32:20

Ok anyal konyo, to nyaka awuo, eka ayud kue.

Zaburi 50:2

Nyasaye rieny gi e Sayun, dala maber manimba.

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Isaya 64:12

Bende diyie weyo gik makamagi, yaye Ruoth Nyasaye? Koso diling’ thi kikumowa moloyo kaka owinjore?

Isaya 65:6

Neuru! Wachno osendiki e nyima. Ok abi ling’, to abiro kumou kuom richou, kaachiel gi richo mag wuoneu. An Ruoth Nyasaye ema awacho kamano.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 4:31

Ne awinjo ywak ka mar dhako ma muoch kayo. Ee, mana kaka mar dhako ma hango nywol. Kara ne en mana dwond Jerusalem, ma gamo yueyo, kendo orieyo bade kawacho niya, “Arumo! Chunya dwaro a, nikech jonek lwora mondo onega.”

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Luka 18:7

Koro donge Nyasaye nong’ad bura kare ni joge moyier, maywakne odiechieng’ gotieno? Uparo ni dodeki mak okonyogi koso?

2 Petro 3:15

Parieuru kaka Ruodhwa hore mos, komiyou thuolo mondo uyud warruok. Mano e gima owadwa Paulo mwahero nondikonu gi rieko mane Nyasaye omiye.