Isaya 42:11 - MUMA MALER 2015

¹¹ Thim, kod mier man kuno, mondo obed mamor, kaachiel gi kuonde dak mag jo-Arabu ma Kedar. Un joma odak Sela, koguru gi mor ewi gode.

Motingʼo Loko Manyien

¹¹ Weuru kuonde motimo ongoro gi miechgi mondo ogo koko; kendo weuru joma odak e gwenge mag Kedar obed mamor. Weuru joma odak Sela ower gi mor, ka gikok ewi got malo.

Isaya 42:11 ပူးပေါင်းရင်းမြစ်များ

Chakruok 25:23

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Zaburi 120:5

Dak e kindu rach mana ka dak e piny Meshek, kata ka dak e kind jo-Kedar!

Isaya 12:5

Weruru ni Ruoth Nyasaye wende pak nikech oselocho, kendo mano nyaka ng’ere e piny duto.

Isaya 16:1

Ruodhi mag Moab noor chiwo mag rombe Jerusalem, ka gin Sela e thim.

Isaya 21:16

Ruoth Nyasaye osewacho niya, “Kapok higa achiel orumo ngang’, to duong’ duto mar jo-Arabu ma Kedar notieki.

Isaya 32:16

Bang’e adiera gi tim makare nobedi e piny duto, kuonde momew koda ka kuonde motimo ongoro,

Isaya 35:1

Thimbe kod pinje motwo nobed mamor, kendo maupe mabeyo nothiew kuondego.

Isaya 35:6

Rang’onde bende nochikre ka nyidiek, kendo momni nower gi mor, nimar pi nobubni e piny motwo, kendo aore nobed ka molie.

Isaya 40:3

Dwol moro kok niya, “Losuru ni Ruoth Nyasaye yo e thim. Losuru ni Nyasachwa ndara mopie e piny motwo.

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Isaya 60:7

Jamni duto mag Kedar nochokni. Rombe mag Nebayoth bende nobed jamni mitimogo misengni ma ayiego e kendona mar misango, mi duong’ maler mar Hekalu mara nomedre.

Jeremia 21:13

Un jo-Jerusalem, dalau obet e bath holni mana ka lwanda mogingore e pap. To an Ruoth Nyasaye abiro kedo kodu. Uwacho ni onge ng’at ma nyalo monjou kata ma nyalo mwomo ohingau.

Jeremia 48:28

Koro un jo-Moab, ayeuru e miechu udhi udag e gode maboyo, mondo uchal gi akuru mogero ode e bath lwanda marabora morokore.

Jeremia 49:16

Sunga ma un go osewuondou, to chutho onge ng’ama oluorou kaka uparono. Udak malo e lwendni morokore manie wi gode maboyo. To kata obedo ni udak malo mabor kaka ongo kamano, to Ruoth Nyasaye biro lorou piny. Ruoth Nyasaye ema owacho kamano.”

Jeremia 49:31

‘Biuru mondo wamonj ji maparo ni odak gi kue, kendo onge gima nyalo timogi! Dhorangeyegi ni nono, kendo ok lor, bende ok riti.’ An Ruoth Nyasaye ema awacho kamano.

Ezekiel 27:21

Jo-Arabu kod ruodhi mag Kedar bende ne ng’iewo gigi mag ohala ka gichuli nyirombe gi rombe kod diek.

Obadia 1:3

Sunga ma un-go osewuondou! Udak e mbita mar lwanda motegno, kendo dalau ni ewi gode malo. Mano emomiyo uwacho kendu uwegi niya, ‘Ere ng’ama didwokwa piny?’

Nahum 1:15

Neyeuru kaka jaote ringo kalor e gode kakelo wach maber mar kue. Owacho niya, “A yaye, un jo-Juda, timuru sewni mau, kendo chiwuru ni Ruoth Nyasaye gik mane usekuong’oru ni unuchiw, nimar joma richo ok nochak olou kendo, nikech osetiekgi chuth.”