Isaya 41:8 - MUMA MALER 2015

⁸ To un jo-Israel jotichna, aseyierou, mi agolou e giko piny kuonde mane untie. Adier, un nyikwa Jakobo ma aseyiero, kendo ma koth Ibrahim osiepna,

Motingʼo Loko Manyien

⁸ “To in, yaye Israel jatichna, un joka Jakobo ma aseyiero, un nyikwa Ibrahim osiepna,

Isaya 41:8 ပူးပေါင်းရင်းမြစ်များ

1 Weche mag Ndalo 16:13

Un nyikwa Israel, jotich Ruoth Nyasaye. Adier, un yawuot Jakobo, jotichne moyier,

2 Weche mag Ndalo 20:7

A Nyasachwa, donge in ema nichiwo pinyni ni nyikwa Ibrahim ma osiepni, kiriembo joma nodakie mondo owe thuolo ni jogi Israel, odagie nyaka chieng’?

Zaburi 105:6

Un nyikwa Ibrahim jatichne, kendo ma nyikwa Jakobo ng’ate moyiero,

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Zaburi 136:21

Ne okawo pinygi, momiyo joge Israel,

Zaburi 136:22

mondo obed mwandugi. Herane mosiko ochwere.

Zaburi 33:12

Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 29:22

Kuom mano, Ruoth Nyasaye ma Nyasach joka Jakobo, kendo mane owaro Ibrahim wacho kama: “Koro Jakobo ok bi yudo wichkuot, kendo kibaji ok nogoye,

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 42:19

Ere muofu maloyou, un jo-Israel jotichna? Kata ere ng’ama ite odino moloyou, un jootena ma aoro? Koso ere muofu maloyou un joma atimogo singruok mar kue, kata ma ite odino maloyou un jotich Ruoth Nyasaye?

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Isaya 44:21

“Parieuru mago duto un nyikwa Jakobo. Adier, un jo-Israel, paruru ane, nimar un jotichna, omiyo kik wiu wil koda.

Isaya 45:4

Aseluongi gi nyingi mana nikech jo-Israel ma nyikwa Jakobo, ma jotichna ma aseyiero. Adier asemiyi nying maduong’, kata obedo ni ok ing’eya.

Isaya 48:12

“Winjauru un joka Jakobo. Ee, chikuru itu, un jo-Israel, un joma aseluongo. An e En. An e mokwongo, kendo an e mogik.

Isaya 49:3

Ne owachona niya, “In e jatichna, in Israel, oganda ma biro kelona duong’.” Kamano ne ayudo duong’ e nyim Ruoth Nyasacha, kendo ne odoko tekra.

Isaya 51:2

Adier, paruru Ibrahim wuonu, kod Sara mane onywolou. Kane aluongo Ibrahim, to ne en mana ng’at achiel kende. Bang’e ne aguedhe, mi amiye odoko oganda maduong’.

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Jeremia 33:24

“Donge isewinjo ka ji wacho ni aseweyo jo-Israel gi jo-Juda, ma gin dhoudi ariyo mane ayiero? Kuom mano koro gicharo joga, kendo ok gikwan-gi ka joma nigi pinygi.

Tim jo-Lawi 25:42

Jo-Israel gin wasumbni maga mane agolo e piny Misri, emomiyo ok onego ng’iewgi kaka ing’iewo wasumbni.

Malaki 1:2

Ruoth Nyasaye owacho niya, “Aherou.” To usedwoke kupenje ni, “Ere kaka iherowa?” To Ruoth Nyasaye odwoko ni, “Donge Esau gi Jakobo ne gin owete? Kata kamano ahero Jakobo gi nyikwaye.

Mathayo 3:9

To bende kik chunyu wuondu ka uparo ni ubiro tony nikech un nyikwa Ibrahim, nikech awachonu adier ni Nyasaye nyalo kawo kitegi, mi lok nyikwa Ibrahim!

Jo-Galatia 3:19

Koro ere gima omiyo oket Chik Musa? Nokete mondo onyis ketho, kendo mana ni mondo obedie nyaka chop nyakwar Ibrahim mane otimne singruok bi. To bende kane Nyasaye ooro Chik Musa, nomiyo malaika mondo okel, mi malaika nokete e lwet jaote,

Rapar mar Chik 10:15

To kata kamano, Ruoth Nyasaye ne pod rito kwereu nikech noherogi, mi bang’gi noyiero mana un nyikwagi kuom ogendini moko duto mondo ubed joge, kaka pod ubet nyaka chil kawuono.

Rapar mar Chik 14:2

nikech un joma ler mowal ni Ruoth Nyasaye ma Nyasachu. Ruoth Nyasaye noyierou kuom ogendini duto manie piny mondo ubed joge owuon.

Jakobo 2:23

Kamano wach manie Muma nochopo kare, mawacho niya, “Ibrahim noyie kuom Nyasaye, mi yieneno ema nomiyo Nyasaye okwane ka ng’ama kare.” Mano nomiyo Nyasaye oluonge ni osiepne.