Isaya 41:25 - MUMA MALER 2015

²⁵ An to aseluongo ng’ato yo nyandwat ma yo wuok chieng’ mondo obi. En ng’at mabiro lama. Enonyon ruodhi mana ka lowo mimwonogo ot, kendo nonywasgi mana kaka jachuech nywaso lop agulu.

Motingʼo Loko Manyien

²⁵ “Asejiwo ngʼato mawuok nyandwat kendo obiro, en ngʼat maa yo wuok chiengʼ maluongo nyinga. Onyono Ruodhi mag piny mana ka lop muono, mi onywasgi mana kaka jachwech nywaso lop chweyo agulu.

Isaya 41:25 ပူးပေါင်းရင်းမြစ်များ

2 Samuel 22:43

Ne aregogi mayom, mana ka buru ma yamo tero, mi anyonogi ka chuodho.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 21:2

Ne aneno kaka dala mandhogo ji, ondhogi. Ne awinjo ka Nyasaye jiwo jo-Elam kod jo-Media ni mondo odhi omonj Babulon kendo olwore, mondo sungane orum.

Isaya 41:2

Ng’at moa yo wuok chieng’, ma locho kamoro amora modhiye cha, ere ng’ama okele? Koso en ng’a moketo ogendini e lwete, kendo miyo oloyo ruodhi mi onyon piny? Okeyogi gi liganglane mana ka buru, kendo oriembogi gi asere, mana ka mihudhi ma yamo tero.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Jeremia 1:14

Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Jeremia 50:3

Oganda moa yo nyandwat osebiro monjo Babulon, kendo biro loke thim, mi ji kod jamni biro ringo, kendo onge ng’ama biro dakie.

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Zekaria 10:5

Ginibed ka jolweny marateke ma nyono wasikgi ka chuodho, kendo ginikedi nikech an Ruoth Nyasaye an kodgi, bende ginilo kata mana joidh farese, mi gikuod wigi.

Fweny 16:12

Bang’e malaika mar auchiel noolo tape e aora maduong’ mar Yufrate, mi pige nodwono mondo yo olosre ni ruodhi mane biro a yo wuokchieng’.