Isaya 41:23 - MUMA MALER 2015

²³ Nyiswauru ane gik mabiro timore e kinde mabiro, mondo wayie ni kara un nyiseche adier. Timuru ane gimoro, maber kata marach, manyalo miyo wang’eng’ mi wadhier nono.

Motingʼo Loko Manyien

²³ kendo nyiswa anena ni angʼo mabiro timore, mondo wangʼe ni un nyiseche. Timuru ane gimoro, bed ni ber kata rach, manyalo bwogowa kendo kelo luoro kuomwa.

Isaya 41:23 ပူးပေါင်းရင်းမြစ်များ

Isaya 19:12

Koro in Farao, ere jogi mariek, mondo obi opuonji kendo omi ing’e gima Ruoth Nyasaye Manyalo Gik Moko Duto osechano timo e Misri?

Isaya 42:9

Neuru kaka gik mane akoro osetimore. To koro anyisou gik manyien ma biro timore. Adier, ahulonugi kapok gitimore.”

Isaya 43:9

Ogendini duto mondo ochokre kaachiel. Ere nyasachgi mane osekoroe gima kama, kata mosehuloe gimoro ka pok otimore? Weuru gikel joneno mondo onyis ane gik mane gitimo, mondo gilo bura, ka wachgi en adier.

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Isaya 45:3

Anamiyi mwandu mopandi e mudho, kendo mokan kuonde mopondo, mondo eka ing’e ni an e Ruoth Nyasaye ma Nyasach Israel, ma luongi gi nyingi.

Isaya 46:7

Giting’e e gokgi ka gitere dala, kendo girenje piny, mi ochung’ achung’a kanyo ma ok ong’ingni. Kata ka ng’ato kokne matek manade, to ok onyal dwoke, bende ok onyal rese e chandruok.

Jeremia 10:5

Gichalo gi gik mibwogogo winy e pwothe nikech ok ginyal wuoyo. Iting’ogi ating’a nimar ok ginyal wuotho, omiyo kik uluorgi nimar ok ginyal hinyou, to bende onge gima ber ma ginyalo timo.”

Daniel 2:9

Ka ok uhulona tiend lekno, to uduto ibiro miyou kum machalre. Ang’eyo ni usewinjoru e kindu uwegi mondo uwuonda awuonda nyaka chop alok parona. Nyisauru lekno, to abiro ng’eyo ni kara unyalo hulo tiende adier.”

Johana 13:19

Koro anyisou wachno kapok otimore, mondo ka otimore to uyie ni an e En

Tich Joote 15:18

Ruoth Nyasaye mane ohulo wechego chon ema owacho kamano.’ ”