Isaya 41:18 - MUMA MALER 2015

¹⁸ Abiro miyo aore wuogi kuonde motwo motimo kwoyo, kendo sokni tuchi e holni. Bende abiro miyo yewni bedi e piny motimo ongoro, mi pi bubni e piny motwo.

Motingʼo Loko Manyien

¹⁸ Abiro miyo aore mol kawuok kuonde motwo, kendo sokni biro tuch e holni. Abiro miyo piny motimo ongoro bed gi pi thidhna, kendo kuonde motimo okak sokni nowuogie.

Isaya 41:18 ပူးပေါင်းရင်းမြစ်များ

Zaburi 104:10

In ema imiyo pi sokni bubni e holni, kendo mol e kind gode.

Zaburi 105:41

Ne obaro lwanda, mi pi obubnie, kendo pigno nomol e piny mana ka aora.

Zaburi 107:35

To bende omiyo piny motimo ongoro bedo gi pi, kendo piny motwo bedo gi sokni.

Zaburi 126:4

A Ruoth Nyasaye, chak idwokwa kendo, mana kaka koth mikelo, dwoko pi e aora mosedwono.

Zaburi 46:4

Nitie aora makelo mor e dala mar Nyasaye, ma Ng’ama Duong’ Moloyo oseloko kar dakne.

Isaya 12:3

Kuom mano ubiro yudo gik mabeyo gi mor kuom Ruoth Nyasaye ma resou.

Isaya 30:25

Chieng’ nek maduong’no, ma ikethoe kuonde mochiel motegno, aore kod sokni mamol nobed ewi gode madongo kod pidhe maboyo duto.

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 33:21

Kanyo ema duong’ maler mar Ruoth Nyasaye nonenree Enochalnwa aora malach man gi bade mang’eny. Onge yiedhi ma nokwang’ kanyo, kikiewo, kata ma noringie gi tanga. Tondegi ombekni ma ok nyal rido murungot, kata ywayo tanga,

Isaya 35:1

Thimbe kod pinje motwo nobed mamor, kendo maupe mabeyo nothiew kuondego.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 48:21

Kane otelonigi e thim, to riyo ne ok oloyogi, nikech ne omiyo pi owuok e lwanda. Ee, nobaro lwanda, mi pi obubnie.

Isaya 58:11

Ruoth Nyasaye ema nobed ka telonu pilepile, kokonyou kuonde motwo. Enomi dendu bed mojing’, mi uchal gi puodho mang’ich maber, kata ka soko ma pige ok duon.

Isaya 65:13

Kuom mano, an Ruoth Nyasaye, awacho niya: Jotichna nochiem, to un unudeny, kendo ginimodhi, to un riyo nohewu. Bende ginibed mail, un to unuyud wichkuot.

Joel 3:18

Kindeno yiend mzabibu manyak ahinya nopong’ gode, kendo jamni mathoth noyud e got ka got. Soko nomol kawuok e Hekalu mar Ruoth Nyasaye, mi nomi holo Shitim bedo mang’ich.

Zekaria 14:8

Chakre chieng’no, pi maliw nomol kawuok Jerusalem. Moko nochik Nam Kado, man yo wuok chieng’ to moko nochik Nam Mediterenia, man yo podho chieng’. Enosik komol e ndalo chwiri kendo e ndalo oro mana machalre.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”

Jong’ad Bura 15:19

Mi Nyasaye nobaro kama otimo bugo man Lehi, mi pi nowuok kanyo. Samson nomodho pigno, mi chunye oduogo. Mano emomiyo sokono nochak ni En-hakore, (tiende ni, soko ng’at maywak.) Sokono pod ni kuno nyaka chil kawuono.