Isaya 41:13 - MUMA MALER 2015

¹³ nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Motingʼo Loko Manyien

¹³ Nimar an Jehova Nyasaye ma Nyasachi mamako badi ma korachwich, omiyo awachoni niya, “Kik ibed maluor; abiro konyi.

Isaya 41:13 ပူးပေါင်းရင်းမြစ်များ

Zaburi 109:31

nikech okonyo jochan, kendo ogologi e lwet jogo ma ng’adone buch tho.

Zaburi 118:7

Ang’eyo ni Ruoth Nyasaye ni koda, kendo konya, omiyo anane ka olo wasika.

Zaburi 63:8

Apadora kuomi, kendo lweti rita maber.

Zaburi 73:23

Kata kamano, e kinde duto in koda, kimako lweta.

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Wuok 20:20

Musa nodwokogi niya, “Kik uluor, nimar Nyasaye osebiro mana ni mondo otemu, kendo omi usik kuluore mondo kik utim richo.”

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 43:6

Abiro wacho ni jo-nyandwat ni mondo oweu. Jo-milambo to abiro nyiso niya, “Kik ugeng’nigi,

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Isaya 51:18

Kuom yawuowi duto ma isenywolo, onge kata achiel manyalo teloni, Adier, kuom yawuowi duto ma isepidho, onge kata achiel ma ditayi.

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Jeremia 46:27

“To un nyikwa Jakobo jatichna, kik ubed maluor. Ee, un jo-Israel kik chunyu parre, nikech abiro resou mi agolu e piny mabor kuma otueueno. Ubiro duogo mi udag gi kue, maonge gima thagou, kendo ng’ato ok nobuogu.

Hagai 2:5

kendo Roho mara ni kuomu. Kik ubed maluor,

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.