Isaya 41:10 - MUMA MALER 2015

¹⁰ Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Motingʼo Loko Manyien

¹⁰ Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Isaya 41:10 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 31:5

mowachonigi niya, “Aseneno ka wuonu tinde ok ohera kaka nohera e kinde mokwongo, to kata kamano Nyasach wuora osebedo ka ni koda.

Chakruok 49:24

to Jateko ma Nyasach Jakobo noturo atungegi, kendo jakwath ma Lwanda mar Israel, nochodo leche mag ogich bedegi.

2 Samuel 22:19

Ne gimonja ka anie masira, to Ruoth Nyasaye ema nokonya.

1 Weche mag Ndalo 12:18

Eka Roho nolor kuom Amasai, jatend thuondi piero adek kande mowacho niya, “Wan kodi Daudi! Wan jogi, wuod Jesse. Wamosi! Wamosi! Wamoso Jakonyni bende! En Nyasachi makonyi.” Eka Daudi norwakogi, moketogi kuom joge mag lweny.

2 Weche mag Ndalo 20:17

To un, jo-Juda gi jo-Jerusalem, ok onego uked e lwenjni. Kuseriedo ni lweny, to uchung’ achung’a, mondo une kaka Ruoth Nyasaye biro lochonu. Kik uluor, kendo chunyu kik parre. Kiny uwuognigi awuoga, kendo Ruoth Nyasaye biro konyou.”

2 Weche mag Ndalo 32:8

Teko mar dhano ema en go, to wan, Ruoth Nyasaye ma Nyasachwa ema konyowa, kendo kedo lwenjewa.” Kane ji owinjo weche Hezekia ruodh Juda, ne gitimo chir.

Zaburi 144:11

Resa e lak ligangla mabith. Adier, konya kuom teko mar jopinje mamoko, ma ok wach adier, to riambo kata mana ka gikuong’ore.

Zaburi 144:8

Konya e lwet jopinje mamoko ma ok wach adiera, to riambo kata mana ka gikuong’ore.

Zaburi 145:14

Okonyo ji duto manie chandruok, kendo oting’o joma obolore malo.

Zaburi 147:12

Weruru ni Ruoth Nyasaye, un jo-Jerusalem. A yaye, jo-Sayun, pakuru Nyasachu.

Zaburi 18:36

Nimiya yo malach mondo awuothie, mi ne ok akier.

Zaburi 27:1

Ruoth Nyasaye e lerna kendo e warruokna, omiyo ere ng’ama daluor? Ruoth Nyasaye e kar konyruokna, omiyo ok daluor ng’ato.

Zaburi 29:11

Omiyo joge teko, kendo oguedhogi gi kue.

Zaburi 33:12

Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

Zaburi 37:17

nimar Ruoth Nyasaye notiek joma timbegi richo, to norit joma beyo.

Zaburi 37:24

Kata ka opodho, to ok nokungre gi ume, nimar Ruoth Nyasaye omako lwete.

Zaburi 41:12

Inikonya nikech atimo gik makare, kendo iniketa buti nyaka chieng’.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 46:7

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 63:8

Apadora kuomi, kendo lweti rita maber.

Zaburi 65:5

A Nyasachwa kendo jawarwa, idwokowa kitimo gik madongo miresowago. In ema ji duto modak e piny ogeno kuomi, koda ka joma odak kuonde maboyo loka nam.

Zaburi 99:4

En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Wuok 20:20

Musa nodwokogi niya, “Kik uluor, nimar Nyasaye osebiro mana ni mondo otemu, kendo omi usik kuluore mondo kik utim richo.”

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 37:6

ne odwokogi niya, “Dhiuru uwach ni ruodhu ni Ruoth Nyasaye owacho kama: ‘Kik iluor weche ma isewinjo ka ruodh Asuria yanyago

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Isaya 44:2

An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Isaya 50:9

Ruoth Nyasaye ema biro chwaka. Koro ere ng’ama biro loya gi bura? Ooyo, mano ok nyalre! Giduto gibiro ti ka law, ma olwenda ochamo.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Isaya 60:19

Wang’ chieng’ ok nochak obedni ler mar odiechieng’, kata due ok nochak orienyni gotieno, to Ruoth Nyasaye ema nobedni ler mosiko. Nyasachi nobedni duong’ maler.

Ywagruok 3:57

Ne isudo machiegni kane aluongi kamano, mi iwachona ni kik abed maluor.

Daniel 10:12

Eka ne ochako owachona niya, “Daniel, kik iluor, nikech Nyasaye nowinjo lemoni mana chieng’ mane ikwongo ketoe chunyi, kisandori e nyime, omiyo koro asebiro mondo adwoki.

Daniel 6:16

Mano omiyo ruoth nogolo chik, mi okaw Daniel owiti e bur sibuoche. To nowacho ni Daniel niya, “Onego Nyasachi ma itiyone gi adiera duto, resi e masirani.”

Hosea 1:9

Eka Ruoth Nyasaye nowacho niya, “Chake ni Lo-ami, tiende ni joma ok joga, bende ok ayie bedo Nyasachu,”

Hagai 1:13

Kuom mano, Hagai jaote mane Ruoth Nyasaye ooro, nonyiso ji weche mane Nyasaye omiye, kowacho niya, “Ruoth Nyasaye owacho ni en kodu.”

Hagai 2:5

kendo Roho mara ni kuomu. Kik ubed maluor,

Zekaria 10:12

To an Ruoth Nyasaye ema nami jo-Israel teko, mi ginipaka ka gimiyo nyinga duong’. An Ruoth Nyasaye ema awacho kamano.”

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Luka 1:13

To malaika nowachone niya, “Kik ibed maluor, Zekaria! Nyasaye osewinjo kwayoni, kendo Elizabeth chiegi biro nywoloni nyathi ma wuowi, michak ni Johana.

Luka 1:30

Malaika nowachone ni, “Kik ibed maluor, Maria, nikech Nyasaye osetimoni ng’wono.

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

2 Jo-Korintho 12:9

to nowachona niya, “Mich ma amiyi kuom ng’wonona oromi, nikech kama nyawo nitie ema teko tiyoe moloyo.” Emomiyo amor ahinya pakora nikech nyawona, mondo teko mar Kristo odag kuoma.

Jo-Efeso 3:16

Akwayo Nyasaye kuom duong’ne mang’ongo mondo omiu teko e chunyu maiye kuom Roho mare,

Rapar mar Chik 20:1

“Kudhi kedo gi wasiku, muneno ogandagi ka duong’ moloyo maru, kendo nigi farese kod geche lweny, to kik uluorgi, nimar Ruoth Nyasaye ma Nyasachu ma nogolou Misri ni kodu.

Jo-Filipi 4:13

Anyalo chomo gik moko duto tir, kuom teko ma Kristo miya.

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

Jong’ad Bura 6:16

Ruoth Nyasaye nowachone niya, “Anabed kodi mi initiek jo-Midian. Inilogi mana ka gima en ng’at achiel.”