Isaya 41:1 - MUMA MALER 2015

¹ Un pinje mae dhonembe, kod chulni chikuru itu, ka uling’ thi e nyima. Ogendini mondo obi abia! Gibi abia machiegni mondo giwuo ane. Waduto wanadonj kaachiel kama ing’adoe bura.

Motingʼo Loko Manyien

¹ “Lingʼuru e nyima, un pinje mag chula e dier nam! Weuru ogendini obed motegno! Wegiuru gisud machiegni mondo giwuo; kendo warom kaachiel kama ingʼadoe bura.

Isaya 41:1 ပူးပေါင်းရင်းမြစ်များ

Ayub 38:3

Koro a malo ka dichwo, mondo idwok weche ma adwaro penjigi.

Zaburi 46:10

Owacho niya, “Weuru lweny, eka ung’e ni an e Nyasaye. An gi loch kuom ogendini kendo kuom piny ngima.”

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 34:1

Un ugendini mae piny, biuru ka mondo uchik itu. Piny ngima kod gimoro amora manie iye, mondo owinj wachna,

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Isaya 41:5

Pinje mae dhonembe kod chulni osewinjo wachno, modoko maluor, kendo ji duto kirni, chakre tung’ piny nyaka tung’ piny.

Isaya 43:26

Parnauru gik mane otimore chon, mondo wapim wach kaachiel. Wachuru wecheu ane, manyiso ni uonge gi ketho.

Isaya 43:9

Ogendini duto mondo ochokre kaachiel. Ere nyasachgi mane osekoroe gima kama, kata mosehuloe gimoro ka pok otimore? Weuru gikel joneno mondo onyis ane gik mane gitimo, mondo gilo bura, ka wachgi en adier.

Isaya 48:16

Suduru machiegni koda mondo uwinj wachnani: Nyaka nene pok asewuoyo ling’ling’. Chieng’ mane gigo duto chakore ne antie.” (To koro Ruoth Nyasaye oseora, kaachiel gi Roho mare.)

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Isaya 50:8

bende ang’eyo ni ng’at ma biro pogo wachna kare ni buta. Kuom mano, ng’at ma hedhore piem koda mondo obi waradi! Adier, ng’at ma dwaro kwero wechena mondo owuog ane!

Habakuk 2:20

Ruoth Nyasaye to nie Hekalu mare. Piny duto mondo oling’ thi e nyime!

Zekaria 2:13

Ji duto mondo oling’ e nyim Ruoth Nyasaye, nimar osechiew, moa kar dakne maler.