Isaya 40:22 - MUMA MALER 2015

²² ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Motingʼo Loko Manyien

²² Nyasaye obet e kom duongʼne kuma bor moyombo piny kendo joma ni e polo ngʼeny machalo kama ongogo ochokoree. Oyaro polo mana ka tipo maduongʼ kendo oyarogi mana ka hema midakie.

Isaya 40:22 ပူးပေါင်းရင်းမြစ်များ

Chakruok 1:6

Eka Nyasaye nowacho niya, “Gima pogo pi diriyo mondo obedie.”

Ayub 22:14

Iparo ni boche polo motimo rumbi nyalo mone neno, kowuotho e kind polo gi piny?

Ayub 26:7

Nyasaye noyaro polo ma yo nyandwat, mi ong’awo piny e kor muya.

Ayub 36:29

Onge ng’ama ong’eyo kaka boche polo ringo, kata kaka polo mor.

Ayub 37:18

Bende dikony Nyasaye yaro polo, mi obed matek ka mula mothedhi?

Ayub 9:8

Onge ng’ama ne okonyo Nyasaye yaro polo, kata nyono Ondieg Nam mager.

Zaburi 104:2

kendo iumori gi ler mana kaka ng’ato umore gi law. Ne iyaro polo mana ka hema,

Zaburi 18:11

Ne oimore e mudho mandiwa, kendo ne okawo rumbi mar koth moloko ka hembe.

Zaburi 19:4

to kata kamano gima ginyiso, iwinjo e pinje duto. Wachgi tundo e tung’ piny gi tung’ piny. Nyasaye oseyaro ni wang’ chieng’ hema e kor polo.

Zaburi 2:4

Ruoth Nyasaye to nyierogi kobet e kome mar duong’ e polo.

Zaburi 29:10

Ruoth Nyasaye obet e kom duong’ne ewi ataro, korito piny kaka ruoth nyaka chieng’.

Zaburi 68:33

Weruru ni Ng’ama ringo gi gache e kor polo ma nyaka nene. Winjeuru ka okok gi duol maduong’.

Ngeche 8:27

Noyudo antie kane oloso polo, kendo kane oketo kuonde ma nam ogikie.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 37:16

“A Ruoth Nyasaye Manyalo Gik Moko Duto, ma Nyasach Israel, mobet ewi kerubi kaka ruoth bet e komduong’ne, in kendi e Nyasach ogendini duto mae piny, kendo in ema nichueyo polo gi piny.

Isaya 40:15

nikech ogendini duto mag piny ok gimoro kipimo kode. Giromre mana gi pi maton kaa e dapi, kata ka buru momoko e ratil. Adier, chulni gi dhonembe duto yotne mana ka muya!

Isaya 40:17

Ogendini duto ok gimoro e nyime. Okwanogi ka gik manono ma onge tich.

Isaya 42:4

Ok nochwanyre kata chunye ok nonyosre to enokel adiera e piny, kendo pinje manie dhonembe rito mondo chikne obi.

Isaya 42:5

Ruoth Nyasaye mane ochueyo polo mi oyaro, kendo ochueyo piny gi gik mangima duto mantie, mi ochiwo muya ni joma odakie kod gik moko duto mangima, wacho kama:

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Jeremia 10:12

Ruoth Nyasaye nochueyo piny gi tekone, mogure motegno kendo noyaro polo gi riekone.

Zekaria 12:1

Ma en wach Ruoth Nyasaye kuom Israel: Ruoth Nyasaye mane oyaro polo, kendo oketo mise mar piny, mi omiyo dhano much ngima wacho kama:

Kwan 13:33

Kane wagoyo wang’wa kuom jo-Nefili, to ne waneno ka wachalo mana dede, bende mano e kaka ne wachalonigi.” (Jo-Anak gin nyikwa Nefili.)