Isaya 40:10 - MUMA MALER 2015

¹⁰ Ng’euru ni Ruoth Nyasaye biro gi teko. Obiro loyo piny gi tekone maduong’ neuru, obiro gi joge mogonyo e lweny ka wuotho e nyime, ka gik moyako.

Motingʼo Loko Manyien

¹⁰ Neuru, Jehova Nyasaye Manyalo Gik Moko Duto biro gi teko, kendo loch ni e lwete. Neuru, obiro gi pok mare, kendo pokne luwo bangʼe.

Isaya 40:10 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Zaburi 110:6

Obiro ng’ado ni ogendini bura, mi omi ringre joma otho pong paw lweny. Adier, obiro loyo ruodhi e piny ngima.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 49:4

Chon ne awacho ni asetiyo matek kayiem nono, kendo ni aseketho tekra to onge gima ayudo. To kara Ruoth Nyasaye biro ng’ado bucha kare, kendo pokna mana ni e lwete.

Isaya 51:5

Adiera mara biro machiegni. Ee, resruok ma akelo nenore ratiro. Abiro rito ogendini gi bada motegno, kendo joma odak e pinje manie dhonembe gi chulni biro ng’iya ka gigeno ni abiro ritogi gi tekona.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 59:15

Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

Isaya 59:18

Obiro timo ni ng’ato ka ng’ato mana gima oromo gi timbene. Ee, obiro kumo wasike gi mirima mager, kata mana mago modak e dhonembe gi chulni.

Isaya 62:11

Wach ma Ruoth Nyasaye osebedo ka lando e tung’ piny gi tung’ piny ema: “Nyisuru jo-Sayun ni, ‘Jaresu biro.’ Obiro gi joge mogonyo e lweny kawuotho e nyime, ka gik ma oyako.

Isaya 63:5

Ne arango ng’ama dikonya, to ne ok ayudo. Kuom mano ne adhier nono, kane ayudo ni onge ng’ama nyalo konya. To kata kamano tekona awuon ne omiyo alocho, kendo mirimba awuon ema ne okonya.

Jeremia 31:16

Ling’ iwe ywak, kendo ywe pi wang’i, nimar niyud pok nikech gik misetimo ni nyithindi. Gibiro duogo ka gia e piny wasigu. An Ruoth Nyasaye ema awacho kamano.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Johana 12:13

Ne gijako bede othidhe, mi gidhi romone, ka gikok niya, “Opak Nyasaye! Oguedh ng’ama biro e nying Ruoth! Adier Nyasaye mondo ogwedh Ruodh Israel!”

Johana 12:15

“Un jo-Sayun, kik ubed maluor. Neuru! Ruodhu biro iru, koidho nyathi kanyna.”

Jo-Hibrania 2:14

Emomiyo kaka nyithindogo nigi ringruok mar dhano, e kaka Yesu bende nokawo ringruok mar dhano. Notimo kamano mondo, kuom thone, oketh loch jal man gi teko mar tho, tiende ni Satan,

1 Johana 3:8

To ng’at matimo richo en ng’at Satan, nikech Satan osiko katimo richo nyaka a chakruok. To Wuod Nyasaye nofwenyore mana ni mondo otiek Satan.

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

Fweny 22:12

Yesu wacho niya, “Winji! Abiro piyo, kendo akelo pok ma an-go mondo ami ng’ato ka ng’ato moromo gi tichne.