Isaya 39:6 - MUMA MALER 2015

⁶ Ndalo biro ma gik moko duto manie odi, ma kwereni osekano nyaka chil kawuono, noter Babulon. Bende Ruoth Nyasaye omedo wacho ni onge gima nodong’ kata achiel mak oter.

Motingʼo Loko Manyien

⁶ Ndalo biro chopo adier ma gik moko duto manie odi kod gik moko mane kwereni osekano nyaka chil kawuono, noter Babulon. Onge gimoro amora mane odongʼ, Jehova Nyasaye owacho.

Isaya 39:6 ပူးပေါင်းရင်းမြစ်များ

2 Ruodhi 24:13

Nebukadnezar nokawo gik mabeyo duto mane nie Od Ruoth Nyasaye, kod mane nie kar keno mar od ruoth, kendo nong’ado ong’ado gik moko duto mag dhahabu mane Solomon ruodh Israel oloso, mane nie Od Ruoth Nyasaye. Kamano wach Ruoth nochopo kare.

2 Weche mag Ndalo 36:10

E ndalo oro ruoth Nebukadnezar nooro joote mokelo Jehoyachin Babulon kaachiel gi mwandu mag Od Ruoth Nyasaye, mi Nebukadnezar noketo Zedekia owadgi Jehoyachin ruodh Juda gi Jerusalem.

2 Weche mag Ndalo 36:18

mi nokawo gik moko duto mitiyogo e Od Ruoth Nyasaye, madongo gi matindo, kod mwandu mag Od Ruoth Nyasaye, gi mag od ruoth, kod mag ut jodonge, motero Babulon.

Jeremia 20:5

Bende anawe wasikgi yak mwandu duto manie Jerusalem kaachiel gi gik moko duto mantie, koda ka gik mabeyo duto mag ruodhi Juda, mi gikaw gidhigo Babulon

Ezekiel 23:26

Bende ginilonyi duk, kendo ginikaw gik milichorigo ma nengogi tek.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Daniel 1:3

Bang’e nogolo chik ni Ashpenaz mane jatelo maduong’ mondo oyier yawuot joka ruodh Israel gi mag jotend Israel.