Isaya 39:2 - MUMA MALER 2015

² Hezekia norwako jootego, monyisogi mwandune duto mane ni e ode mar keno, kaka fedha gi dhahabu gi gik mang’ue ng’ar, gi mo ma nengone tek kod gilweny, kaachiel gi gik moko duto mane ni kuonde kanone. Onge gimoro amora e ode kata e pinye mane ok onyisogi.

Motingʼo Loko Manyien

² Hezekia norwako joote gi mor mi onyisogi gik duto mane nitiere utege mag keno kaka fedha, dhahabu, gik mangʼwe ngʼar kod modhi ma nengogi tek kaachiel gi kar kenone mar gige lweny duto kod gik moko duto mane yudore kuom mwandune. Onge gimoro amora mane odongʼ e ode kata e pinye duto mane ok onyisogi.

Isaya 39:2 ပူးပေါင်းရင်းမြစ်များ

1 Ruodhi 10:10

Eka nomiyo ruoth Solomon dhahabu moromo kilo alufu abiriyo, kod kite ma nengogi tek. Solomon ne ok ochako oyudo gik mang’ue ng’ar ma dirom gi mago mane ruoth madhako mar Sheba omiye.

1 Ruodhi 10:15

ka ok okwano mago mane wuok e osuch joohala, kendo kuom ruodhi duto mag piny Arabia, kendo kuom jorit piny.

1 Ruodhi 10:2

Nobiro Jerusalem gi oganda maduong’ ahinya, kod ngamia moting’o gik mang’ue ng’ar, gi dhahabu mogundho, kod kite mabeyo ma nengogi tek. Ka nobiro ir Solomon, nopenje duto mane nie chunye.

1 Ruodhi 10:25

Higa ka higa, ng’ato ka ng’ato ne kelone chiwo mag gik molos gi fedha gi dhahabu, kaachiel gi lewni, kod gilwenje, gi gik mang’we ng’ar, gi farese kod nyumbu.

2 Ruodhi 20:13

Hezekia norwako jootego, monyisogi mwandune duto mane nie ode mar keno, kaka fedha gi dhahabu gi gik mang’ue ng’ar, gi mo ma nengone tek, kod gige mag lweny, kaachiel gi gik moko duto mane ni kuonde kenone. Onge gimoro amora e ode kata e pinye mane ok onyisogi.

2 Weche mag Ndalo 32:25

To Hezekia ne ok odwoko erokamano marom gi ber mane otimne, to nodoko jasunga. Emomiyo Ruoth Nyasaye nokecho kode kaachiel gi jo-Juda kod jo-Jerusalem.

2 Weche mag Ndalo 32:27

Hezekia ne nigi mwandu mang’eny kod huma maduong’. Noloso ut keno mag kano fedha gi dhahabu gi kite ma nengogi tek gi gik mang’ue ng’ar gi okumbni kod gik moko mabeyo mopogore opogore.

2 Weche mag Ndalo 32:31

Kamano bende e kaka notieko wach joote jodong Babulon, mane oor ire mondo onon tiend hono ma nosetimore e pinye. Chutho Nyasaye noweye kende e wachno, to mana ni mondo oteme, kendo mondo ong’ego gima nie chunye.

2 Weche mag Ndalo 9:1

Kane ruoth madhako mar Sheba owinjo humb Solomon, nobiro Jerusalem mondo oteme gi penj matek. Nobiro gi oganda maduong’ ahinya kod ngamia moting’o gik mang’ue ng’ar gi dhahabu mogundho kod kite mabeyo ma nengogi tek. Kane obiro ir Solomon nopenjo weche duto mane nie chunye.

2 Weche mag Ndalo 9:9

Eka nomiyo ruoth Solomon dhahabu moromo kilo alufu abiriyo, gi gik mang’ue ng’ar mogundho kod kite mabeyo ma nengogi tek. Solomon ne ok ochako oyudo gik mang’ue ng’ar machal gi mago mane ruoth madhako mar Sheba omiye.

Ayub 31:25

kata sungora kodgi

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

1 Johana 1:8

Ka wawacho ni waonge richo, to wawuondore kendwa, kendo adiera onge e chunywa.