Isaya 38:15 - MUMA MALER 2015

¹⁵ Ere kaka dater ywakna ni Ruoth Nyasaye? Koso en ang’o ma dawachne, ka en owuon ema osetimona gigi duto? Abayo abaya koni gi koni engimana duto, nikech chandruok ma chunya nigo.

Motingʼo Loko Manyien

¹⁵ To an dawach angʼo? Osewuoyo koda mi en owuon osetimona ma, abiro wuotho kadembora e ngimana duto nikech lit manie chunya.

Isaya 38:15 ပူးပေါင်းရင်းမြစ်များ

1 Ruodhi 21:27

Kane Ahab owinjo wechego, noyiecho lepe, morwako pien gugru e dende. Notueyo chiemo, monindo e pien gugru, kendo nodembore koboch.

2 Ruodhi 4:27

Kane ochopo e got, nodhi ir ng’at Nyasaye, momako tiende, Gehazi nosudo mondo ogole, to ng’at Nyasaye nowachone niya, “Weye, nimar chunye chandore malit, to Ruoth Nyasaye osepandona wachne, mak onyisa.”

Ezra 9:10

A Nyasachwa, koro dwawach ang’o kwasejwang’o chikeni, bang’ ng’wono machal kama?

Ayub 10:1

Aol gi bedo mangima, omiyo koro abiro hulo chandruokna duto, nikech chunya lit.

Ayub 21:25

Ji moko to ok ne maber e ngimagi duto, kendo githo ka chunygi lit.

Ayub 7:11

Ooyo, ok daling’! Mirima ohinga, kendo chunya lit, omiyo nyaka alosi.

Zaburi 116:1

Ahero Ruoth Nyasaye nikech owinjo kwayona. Adier, ochiko ite ni lemona

Ngeche 31:6

Joma tho, kendo joma chunygi lit ema mondo imi kong’o,

Isaya 38:17

Chutho, koro aseneno ni chandruok duto mane aseyudo konya, nimar iseresa e tho nikech herani. Bende isewito richona duto ka dieng’eyi.

Johana 12:27

“Koro chunya parore, to dawach ang’o? Dakwa Wuora mondo oresa kuom gima dwaro tima sanini? Ooyo, ok kamano, nikech mano e gimomiyo abiro e sani.

Joshua 7:8

A Ruoth Nyasaye ang’o ma dawachi ka koro wasigu oseriembo jo-Israel?

1 Samuel 1:10

Chuny Hana ne chandore, kendo nolamo Ruoth Nyasaye, koywakne malit.