Isaya 38:13 - MUMA MALER 2015

¹³ kendo aywak ka an gi rem malit nyaka piny ru. Chokena duto otur, mana ka gima sibuor ema oturo. Adier, isanda, chakre okinyi nyaka odhiambo,

Motingʼo Loko Manyien

¹³ Aywak ka rem ohewa nyaka piny ru, chokena otur mana ka gima sibuor ema oturo, isanda chakre okinyi nyaka odhiambo.

Isaya 38:13 ပူးပေါင်းရင်းမြစ်များ

1 Ruodhi 20:36

Eka nowachone ni, “Isedagi winjo wach Ruoth Nyasaye, omiyo sibuor biro negi kiwuok kuoma ka.” Gikanyono mane owuokie, noromo gi sibuor monege.

Ayub 7:6

Ndalona ringo matek motamore gi nono, kendo girumo piyo ma onge geno.

Zaburi 32:4

A Ruoth Nyasaye, ne ikuma odiechieng’ gotieno, mi tekra ne oduono chuth, mana ka pi ma duno e ndalo oro.

Zaburi 39:10

Kik ichak ikuma kendo, nimar achiegni tho kuom goch migoyago.

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Zaburi 51:8

We mondo ayud mor maduong’. Kata obedo ni isegoya, mi itura kamano, to anachak abed mamor kendo.

Zaburi 7:2

nikech ka ok ikonya, to ginyalo yudha ka sibuor, mi gitera kuma onge ng’ama diresae, kendo di gikidha kuno matindo tindo.

Zaburi 90:5

Iywoyo ji, mana ka ohula maywoyo gik moko,, kendo lalgo nono. Gikadho piyo mana ka lek. Gichalo buya ma loth gokinyi,

Ywagruok 3:4

Osemiyo denda dhi adhiya; chokena bende oseturo

Daniel 6:24

Bang’ mano, ruoth ne ogolo chik ni mondo joma ne odonjo ni Daniel owiti e bur sibuoche kaachiel gi mondgi kod nyithindgi. To kane owitgi e bur kamano, sibuoche ne ongamogi moturo chokegi duto matindotindo, mana kapok gichopo kata e pier bur piny.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.