Isaya 37:4 - MUMA MALER 2015

⁴ Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Motingʼo Loko Manyien

⁴ Nyalo bedo ni Jehova Nyasaye ma Nyasachi biro winjo weche Rabshake jatend lweny, ma jatende ma ruodh Asuria oseoro mondo oyany Nyasaye mangima, kendo obiro kwere kuom weche mane Jehova Nyasaye ma Nyasachu osewinjo kowacho. Kuom mano, in Isaya, lamne ji mane otony ma pod ngima.”

Isaya 37:4 ပူးပေါင်းရင်းမြစ်များ

2 Samuel 16:12

Dipo nono ka Ruoth Nyasaye oneno chandruokna, motimona ber kar kuong’ mikuong’agono.”

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

2 Weche mag Ndalo 28:19

Ruoth Nyasaye nothiro jo-Juda nikech Ahaz ruodhgi notimo timbe machach e Juda, koweyo Ruoth Nyasaye.

2 Weche mag Ndalo 34:21

“Dhiuru upenj Ruoth Nyasaye wach ma kuoma, gi man kuom jo-Isarel gi jo-Juda modong’, kor wach weche manie kitabu mwaseyudoni. Nyaka bed ni Ruoth Nyasaye okecho kodwa malich, nikech kwerewa ne ok orito wachne, kata timo gik moko duto mondiki e kitabunii, bende ne ok gitimo.”

Zaburi 106:23

Kuom mano Nyasaye nowacho ni obiro tieko joge, to Musa jatichne moyiero nochung’ e kinde gi ji, mondo ogeng’ mirimbe kik tiekgi.

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Isaya 1:8

Sayun kende ema odong’, ka kiru mar jorito modong’ e puodho bang’ keyo. En dala ma wasigu olworo koni gi koni.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 10:20

Chieng’no jo-Israel ma nyikwa Jakobo manok modong’ nowe keto genogi kuom ng’at mane dwaro tiekogi, to ginigen gi chunygi duto mana kuom Ruoth Nyasaye ma en Ng’ama Ler mar Israel.

Isaya 10:22

Un jo-Israel, kata obedo ni ung’eny ka kuoyo mae dhonam, to ji manok modong’ kuomu kende ema nochak oduogi, nimar Nyasaye oseketo bura makare mabiro tieko joge duto.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 36:13

Bang’ mano nochung’ mokok gi dwol maduong’ gi dho Hibrania niya, “Winjuru wach ruoth maduong’ ma ruodh Asuria!

Isaya 36:18

Tang’uru, nono to Hezekia owitou, kowuondou ni Ruoth Nyasaye biro konyou. Bende nitie nyasach piny moro mosereso pinye e lwet ruodh Asuria?

Isaya 36:20

Kuom nyiseche duto mag pinjego, ere moro mosereso pinye e lweta, ma dimi upar ni Ruoth Nyasaye nyalo reso Jerusalem e lweta?’ ”

Isaya 37:17

A Ruoth Nyasaye, chik iti mondo iwinji, kendo iyaw wang’i mondo inen. Winj weche ma Senakerib yanyigo, in Nyasaye Mangima!

Isaya 37:31

Jo-Juda modong’ nochal gi yath ma tero tiendene piny, kendo nyago olemo e bedene,

Isaya 37:32

nimar joma nok modong’ nowuog Jerusalem. Adier, oganda mar joma otony noa e got Sayun. Ruoth Nyasaye Manyalo Gik Moko Duto oseketo chunye mondo otim kamano.

Isaya 37:5

Kamano, kane jodong ruoth Hezekia ochopo ir Isaya, mowachone wechego,

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 46:3

Winjuru, un joka Jakobo, ma aseting’o nyaka ne nywol. Ee, chikuru itu un jo-Israel modong’, ma aseting’o nyaka ne a e ich.

Jeremia 26:19

To uparo ni ruoth Hezekia kod joge nonego Mika koso? Ooyo ne ok ginege, to Hezekia noluoro Ruoth Nyasaye, mi otemo kueyo mirimb Nyasaye. Kuom mano Ruoth Nyasaye noloko parone kuom masira mane osewacho ni obiro kelo kuomgi. To wan to koro ere gima omiyo wadwaro kelo masira malich kuomwa?”

Jeremia 42:2

mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.

Daniel 2:18

Ne owachonigi ni mondo gilam Nyasach Polo mondo okechgi, kendo onyisgi tiend midhierono, mondo kik neggi kaachiel gi jong’ad rieko mamoko e Babulon.

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Amos 7:2

E fwenyno naneno ka bonyogo osetieko chamo gimoro amora mang’ich e piny. Eka ne awacho niya, “A Ruoth Nyasaye, ng’wonni jogi, ma joka Jakobo. Ere kaka ginyalo resore, to ginok kamano?”

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Jakobo 5:16

Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”

1 Samuel 12:19

Ji duto nowacho ni Samuel niya, “Kwanwa Ruoth Nyasaye ma Nyasachi mondo kik watho, kane wakwayo mondo wabed gi ruoth, to ne wamedo mana richo ewi moko.”

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”

1 Samuel 7:8

Ne giwacho ni Samuel niya, “Kik iwe kwayonwa Ruoth Nyasaye ma Nyasachwa mondo oreswa e lwet jo-Filistia.”