Isaya 37:36 - MUMA MALER 2015

³⁶ Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Motingʼo Loko Manyien

³⁶ Eka malaika mar Jehova Nyasaye ne owuok mi odhi onego ji alufu mia achiel gi piero aboro gabich e kambi mar jo-Asuria. Kane ji ochiewo gokinyi negiyudo mana ringre joma otho!

Isaya 37:36 ပူးပေါင်းရင်းမြစ်များ

2 Samuel 24:16

To kane malaika orieyo bade kochiko Jerusalem mondo oketh dalano, Ruoth Nyasaye noloko parone kuom masira ma nodwaro timo mowacho ni malaika mane nego ji niya, “Oromo! Koro dwok lweti.” To noyudo ka malaika mar Ruoth Nyasaye obet but kar dino mar Arauna ja-Jebus.

2 Ruodhi 19:35

Otienono, malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

1 Weche mag Ndalo 21:12

Higni adek mag kech kata dueche adek ma wasiki lawoue kendo negou, kata ndalo adek ma Ruoth Nyasaye owuon kelonu tho ka dera marach biro e piny kendo malaika mar Ruoth Nyasaye nego ji e piny Israel duto. Koro nyisa gima dadwok Jal ma noora.”

1 Weche mag Ndalo 21:16

Daudi nong’iyo malo moneno malaika mar Ruoth Nyasaye kochung’ e kind polo gi piny ka en gi ligangla e lwete ma nodwaro tiekogo Jerusalem. Daudi gi jodonge noriere piny auma ka girwakore gi pien gugru.

Ayub 24:24

Joricho dhi maber kuom kinde manok kende, to bang’e giner ka buya mopudhi kata ka tiang’ motong.

Ayub 34:20

Ji nyalo tho apoya gotieno. Nyasaye negogi mi gilal nono, kendo kata joma rateke onego ma ok othage.

Wuok 12:23

Ruoth Nyasaye biro wuotho e piny Misri duto, mondo oneg jo-Misri, to enokadh dhoot ka dhoot moneno remo e wiye, kendo e sisi mage, kendo ok nowe malaika maneko donje uteu mondo onegu.

Wuok 12:30

Farao gi jodonge kod jo-Misri duto nochiew gotienono, kendo ne nitie ywak malich ahinya e Misri nimar ne onge kata dala achiel ma ok nyathi ma wuowi othoe.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 10:25

nimar piyopiyo nono mirima ma koro omaka kodu biro rumo, to gin ema abiro kecho kodgi mi atiekgi.

Isaya 10:26

Abiro chwadogi gi del, mana kaka ne achwado jo-Midian kane atiekogi e lwanda Oreb, kendo kaka ne achwado jo-Misri e Nam Makwar.

Isaya 27:7

To bende Nyasaye osekumo jo-Israel matek, kaka nokumo joma nosesandogi? Koso bende osenego jo-Israel matek, kaka nonego wasigu mane onegogi?

Isaya 29:5

To oganda maduong’ ma kedo kodi nochal gi buru. Adier, oganda magerno nochal gi mihudhi ma yamo tero.

Isaya 31:8

to noneg jo-Asuria gi ligangla, to ok gi ligangla ma dhano kedogo. Giniring lweny, mi yawuotgi ma jolweny nolok wasumbni.

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Mika 5:6

mi giniketh piny Asuria gi lweny. Ginireswa ka jo-Asuria monjo pinywa.

Nahum 1:12

To Ruoth Nyasaye wacho niya, “Kata obedo ni wasigu ng’eny kendo rateke, to ibiro negogi, mi girum chuth. To un jo-Juda, kata obedo ni asandou, to ok anachak asandu kendo.

Nahum 3:3

Ligengni gi tonge ng’ang’ni, kendo mil. Joma otho okadho akwana, kendo ringregi odhurore pidhepidhe kuonde duto. Ji chwanyore achwanya kuomgi.

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.