Isaya 37:31 - MUMA MALER 2015

³¹ Jo-Juda modong’ nochal gi yath ma tero tiendene piny, kendo nyago olemo e bedene,

Motingʼo Loko Manyien

³¹ Jo-Juda modongʼ biro chalo gi yath matero tiendene piny kendo nyago olemo e bedene.

Isaya 37:31 ပူးပေါင်းရင်းမြစ်များ

Zaburi 80:9

kendo ne ibetone kama onego odongie. Tiendene ne odonjo matut e lowo, kendo bedene noyarore mokwako pinyno.

Zaburi 92:14

Pod ginyago olemo kata ka giseti, bende gisiko ging’ich kendo gitegno.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 6:13

Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Isaya 65:9

Anami Jakobo nyikwayo ma noluw bang’e, kendo anami Juda jocham gikeni ma nikaw godena. Ee, joga moyier ma jotichna nokaw pinyno mi dagie.

Jeremia 30:19

Ji modak kuondego nower wende pak, kendo ginikogi gi ilo. Anami ginya mathoth, ma ok gidok chien, kendo anami giyud pak, ma onge ng’ama chayogi.

Jeremia 31:7

“An Ruoth Nyasaye awacho kama: Weruru gi ilo nikech mor ma jo-Israel nigo. En oganda maduong’ie moloyo. Weruru wendeu mag pak, kuwacho niya, ‘Ruoth Nyasaye osekonyo joge. Osereso jo-Israel duto modong’.’

Jeremia 44:28

To ji manok kuomu notony e tho, mi dog Juda koa Misri. Bang’e jo-Juda modong’ kuom mago mane obiro Misri nong’e ka wechena kata wechegi ema oselokore adiera.

Ezekiel 7:16

Kata ka moko notony mi dhi e gode, ka akuche maluor, to ginitho kuro nikech richogi.

Jo-Rumi 11:5

Kamano ndalogi bende nitie joma odong’ ma Nyasaye oyiero kuom ng’wonone.

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Jo-Galatia 3:29

To ka un jo-Kristo, to kara un nyikwa Ibrahim, kendo unuyud mich mane Nyasaye osingore.