Isaya 37:3 - MUMA MALER 2015

³ mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mocholgo nyathi.

Motingʼo Loko Manyien

³ Negiwachone niya, “Ma e gima Hezekia wacho: Odiechiengni en odiechieng kuyo, siem kod wichkuot machalo gi nyithindo ma ndalogi mar nywol osechopo to onge teko minywologigo.

Isaya 37:3 ပူးပေါင်းရင်းမြစ်များ

2 Ruodhi 19:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mochologo nyathi.

2 Weche mag Ndalo 15:4

To ka ginie thagruok, ginidog ir Ruoth Nyasaye ma Nyasachgi, kendo ginidware, mi giniyude.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Zaburi 95:8

“Kik wiu dok matek kaka ne wi kwereu odoko matek, kane gin Meriba, chieng’ mane gin Masa e thim cha.

Isaya 22:5

Aywak nikech Ruoth Nyasaye Manyalo Gik Moko Duto oseketo chieng’ lweny gi koko kod masira. Nomuk ohinga e holo mar fweny, kendo ji nokogi ewi gode, kadwaro kony.

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 26:16

Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 66:7

Bende dhako dinywol nyathi ma ok owinjo rem? Donywol wuowi kapok muoch okaye adier?

Isaya 66:9

Ruoth Nyasaye penjo niya, “Dawe sa ma dhako nywolie chopi mak amiye teko mar nywol? Koso dadin iye, to an ema amiyo dhako teko mar nywol? Ruoth Nyasaye ema owacho kamano.

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Hosea 13:13

Jo-Israel nigi thuolo mar chako ngima manyien, to gimemore ka nyathi ma idwaro nywolo, to ok ong’eyo kaka onego wuogi!

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Hosea 5:9

Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.