Isaya 37:26 - MUMA MALER 2015

²⁶ To in Senakerib, kata obedo ni iwacho kamano, donge ing’eyo ni an Ruoth Nyasaye ema ne achano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno, olokre gundni,

Motingʼo Loko Manyien

²⁶ “Donge usewinjo ni an ema ne achano chon mondo gigo otimre? Ne achanogi chon to koro amiyo gitimore, kendo an ema ne achano mondo imuk mier madongo mochiel motegno mondo olokre pidhe mag kite.

Isaya 37:26 ပူးပေါင်းရင်းမြစ်များ

Chakruok 50:20

Ne undhoga mondo utimna gima rach, to Nyasaye noloke gima ber, mondo ores ji mang’eny, ma koro ngima mana nikech wachno.

Zaburi 17:13

A Ruoth Nyasaye, bi mondo iked gi wasika kod ilogi. Resa gi liganglani e lwet joricho.

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 17:1

Ma e wach mane Nyasaye onyiso e fweny kuom Damaski: Damaski biro kethore chuth, mi ute mukre kendo dhurre pidhe pidhe.

Isaya 22:11

bende unukuny yawo e kind ohinga ma oko kod ohinga maiye mondo pi Soko Machon odonjie. To kata kamano ok nupar Jachuech gik moko duto, kata dewo Jal mane oseloso gigo duto chon, ok nudew.

Isaya 40:21

Donge ung’eyo, koso pok uwinjo,

Isaya 40:28

Donge ung’eyo, koso pok uwinjo, ni Ruoth Nyasaye ma Nyasaye mochwere, kendo ma Jachuech piny malichni duto, ok ol, kendo ok nyosre? Parone tut, ma odhiero dhano ng’eyo.

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

1 Petro 2:8

Muma kama chielo to wacho ni, “En e kidi mabiro chwanyo ji; Lwanda ma nomi gipodhi.” Gichwanyore nikech gidagi winjo Wach Maber. Mano e gima ne Nyasaye owalonigi.

Juda 1:4

Nyaka andik kamano nimar jomoko ma ok oluoro Nyasaye, ma gin joma oseketi ni bura oloyo chon nikech wachni, osedonjo kuomu ling’ling’, ka gitemo mondo gilok ng’wono mar Nyasachwa obed anjawo, kendo gidagi Ruodhwa achiel kende, ma en Ruoth Yesu Kristo.