Isaya 37:25 - MUMA MALER 2015

²⁵ Asekunyo sokni, mi amodho pi pinje mamoko. Bende aore mag Misri noduono, ka anyonogi gi tienda!’

Motingʼo Loko Manyien

²⁵ Asekunyo sokni e pinje mamoko mi amodho pige man kuno. Asemiyo aore duto mag Misri bende oduono ka anyonogi gi tienda.’

Isaya 37:25 ပူးပေါင်းရင်းမြစ်များ

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

Isaya 10:13

nimar ruodh Asuria osewacho niya, “Aseloyo lwenjegi duto mana gi tekona kod riekona awuon, nikech an gi ng’eyo. Ne aketho tong’ mag pinje, mi ayako mwandugi mathoth, kendo anyono ji e buru.

Isaya 10:14

Lweta oseyudo kuonde ma mwandugi nitie, kendo asekawo pinje duto mana kaka ng’ato kawo tong’ e od winyo ma oringo, ma onge gima kwadho buombe, kata ma ng’amo dhoge, kata ma chwicho!”

Isaya 19:5

Aora Nael noduon, mi two,

Isaya 19:6

kendo kuonde ma pi luwo nodum marach. Aore mamoko mag Misri nodwon mi two, kendo odundu gi se bende nowang’.

Isaya 36:12

To Rabshake ne odwokogi, ka penjogi niya, “Uparo ni un kod ruodhu kende ema ne ruodha oora iru mondo awachnu wechegi? Ooyo, oora ir joma nie wi ohinga, ma ochunore ni nyaka cham chiethgi, kendo madh lachgi giwegi, mana kaka un bende unutim!”

Rapar mar Chik 11:10

Piny ma ubiro donjoe mondo udagieno ok chal gi piny Misri kuma ne uaye, nimar kuno kane usechwoyoe cham, to bang’e nusombo pi uole, mana kaka itimo ni puoth alot.