Isaya 37:24 - MUMA MALER 2015

²⁴ Isejaro Ruoth Nyasaye gi dho jooteni, kiwacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kama ni iye mogik, kendo ma yien odichie.

Motingʼo Loko Manyien

²⁴ Kokalo kuom jooteni usegango weche mag ayany kuom Ruoth Nyasaye. Bende usewacho niya, ‘Gi gechena mangʼeny mag lweny, aseidho gode maboyo mag Lebanon mi achopo ewi got mabor moloyo. Asetongʼo yiendene mag sida maboyo kendo mabeyo. Asechopo nyaka e chuny bungu ma iye mogik kuma yien odiche.

Isaya 37:24 ပူးပေါင်းရင်းမြစ်များ

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Isaya 10:18

Notiekgi chuth, mana ka bunge kod puothe mag olembe mabeyo mowang’ chuth, kata ka ng’at ma tuo ochamo dende motieko,

Isaya 10:33

To neuru kaka Ruoth Nyasaye Manyalo Gik Moko Duto nego wasike mana kaka mil polo lwero yien. Onego jotelo gi joma moko duto, mana ka ng’at ma tong’o yien, mi yien maboyo podhi, kendo kata mana mago madongoe moloyo kulre piny.

Isaya 10:34

Ee, Nyasaye Maratego biro goyo jo-Asuria piny, mana ka ng’at ma tong’o yiend Lebanon.

Isaya 14:8

Yiend saipras gi yiend sida mag Lebanon bende mor, kendo giwacho niya, ‘Kaka osetieki, koro onge ng’at ma biro tong’owa.’

Isaya 29:17

Bang’ kinde matin, Lebanon biro lokore puodho momew, mi yien mabeyo nodongie.

Isaya 36:9

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Jeremia 22:6

“Od ruodh Juda berna mana ka piny Gilead, kendo ka got Lebanon, to kata kamano abiro loke thim, kama onge ng’at madakie.

Jeremia 22:7

Abiro oro ji mondo okethe. Giduto gibiro biro gi ledhi, mi ging’ad yiend sida duto mabeyo mogerego, mi giwiti e mach.

Jeremia 46:8

Gin jo-Misri ema gingore ka Nael, kendo ka aora ma mwomo genge! Misri wacho niya, “Abiro gingora mi apong’ piny, kendo aketh mier gi ji modakie.”

Ezekiel 21:2

mowachona niya, “Wuod dhano, chung’ kichomo yo Jerusalem, mondo ikwed kuonde ma ji lemoe. Siem piny Israel

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”