Isaya 37:23 - MUMA MALER 2015

²³ To koro in, en ng’ano ma isejaro kendo iyanyo? Koso en ng’a ma isekokne ka ijowo wang’i? Nyaka ing’e ni en Ng’ama Ler mar Israel!

Motingʼo Loko Manyien

²³ En ngʼa misejaro kendo yanyo? Koso en ngʼa ma isegone koko, kijowo wangʼi gi sunga? Donge en mana Jal Maler mar Israel.

Isaya 37:23 ပူးပေါင်းရင်းမြစ်များ

2 Ruodhi 19:22

To koro in, en ng’ano ma isejaro kendo iyanyo? Koso en ng’a, ma isekokne, kijowo wang’i! Nyaka ing’e ni en Ng’ama Ler mar Israel!

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

2 Weche mag Ndalo 32:17

Bende Senakerib nondiko barupe mojarogo Ruoth Nyasaye ma Nyasach Israel kowuoyo marach kuome niya, “Kaka nyiseche mag jopinjego ne ok nyal resogi e lweta, e kaka Nyasach Hezekia bende ok nores joge e lweta.”

Zaburi 44:16

nikech wasikwa nyierowa, kendo yanyowa, ka chulo kuor.

Zaburi 73:9

Giwuoyo marach kuom Nyasaye manie polo, kendo gigolo chike ni joma nie piny ka gisungore.

Zaburi 74:10

A Nyasaye, wasikwa biro jarowa kuom kinde marom nadi? Koso gibiro yanyo nyingi nyaka chieng’?

Zaburi 74:18

To par ineye A Nyasaye, kaka wasiki mofuwo jari.

Zaburi 74:23

Wiyi kik wil gi koko mar mirima ma wasiki goyo sa ka sa.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Wuok 9:17

To kaka pod ithago joga, kendo ok iyienigi mondo gia,

Ngeche 30:13

Bende nitie ji moko ma paro ni beyo ahinya. Yaye, mano kaka gisungore!

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 10:17

Ler mar Israel nolokre mach. Adier, Ng’ama Ler nolokre mach mang’ang’ni, ma chieng’ moro nomuochi, mi wang’gi pep odiechieng’ achiel mana ka kudho.

Isaya 10:20

Chieng’no jo-Israel ma nyikwa Jakobo manok modong’ nowe keto genogi kuom ng’at mane dwaro tiekogi, to ginigen gi chunygi duto mana kuom Ruoth Nyasaye ma en Ng’ama Ler mar Israel.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 17:7

E ndalogo, ji nopar Nyasaye ma jachuechgi, kendo ginigen kuom Ng’ama Ler mar Israel.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 43:14

Ruoth Nyasaye ma jaresu kendo ma Ng’ama Ler mar Israel wacho kama: “Aseoro oganda lweny mondo omonj Babulon nikech un, kendo abiro miyo jo-Babulon podh piny auma ka giringo, mi koko mar mor ma gigoyo lokre ywak.

Isaya 43:3

nimar an Ruoth Nyasaye ma Nyasachu, ma Ng’ama Ler mar Israel, kendo ma jaresu. Achiwo Misri gi Ethiopia kod Seba mondo awarugo.

Isaya 5:15

Ji duto, koda ka josunga, nodwok piny mi bolre.

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Jeremia 48:42

Jo-Moab ibiro tieko chuth, mi ok ginichak gibed oganda kendo, nikech ne gitamore winjo chikna.

Ezekiel 28:2

“Wuod dhano, nyis ruodh Turo ni an Ruoth Nyasaye awachone kama: Isungori ni ibet e kom duong’ ni in nyasaye. To kata obedo ni iwuondori ni in nyasaye kamano, to ng’e ni in mana dhano!

Ezekiel 28:9

To chieng’ ma gibiro mondo ginegino, bende pod niwach ni in nyasaye? Ooyo, ka gibiro iri, to nibed mana dhano matho, ma ok nyasaye!

Ezekiel 35:13

Bende asewinjo ka uwuoyo kuoma gi sunga, ka uyanya.

Ezekiel 39:7

Anami joga Israel ng’e nyinga maler, kendo ok nawe nyinga chak kethre. Eka ogendini nong’e ni an Ruoth Nyasaye an Ng’ama Ler mar Israel.”

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Daniel 8:11

To bende nopiem gi jatend ogend lweny mag polo, mi nomiyo misengni mane itimo pile ni jatelono ogik, kendo omiyo lemo mar Hekalu bende ogik.

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”