Isaya 37:19 - MUMA MALER 2015

¹⁹ mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Motingʼo Loko Manyien

¹⁹ Gisewito nyisechegi e mach mi gitiekogi, nikech ne ok gin nyiseche to ne gin mana yien kod kidi molos gi lwet dhano.

Isaya 37:19 ပူးပေါင်းရင်းမြစ်များ

2 Samuel 5:21

Jo-Filistia noringo moweyo nyisechegi kanyo, mi Daudi kod joge nokawogi.

Wuok 32:20

Nokawo nyaroya mane ji oselosono mowang’o. Norege, molokore buru, eka nokire e pi, momiyo jo-Israel pigno omodho.

Isaya 10:7

To ruodh Asuriani ok ong’eyo ni an ema ne aore. Oparo mana in en omonjo amonja ji, kodwaro ni mondo olo piny duto.

Isaya 17:8

Ok ginichak giket genogi kuom kende-mag-liswa, ma lwetgi ema oloso, kata kuom gimoro amora ma gin giwegi ema giseloso, bed ni en sirni milamo, kata kende mag ubani.

Isaya 2:8

To bende opong’ gi nyiseche manono ma lwetu uwegi ema oloso, ni to mago ema ulamo!

Isaya 26:14

Joma otho ok nochak obed mangima. Adier, joma osenindo e liel ok nochak ochier. Mano emomiyo isekumo ruodhigo mi itieko, kendo imiyo wich owil kodgi.

Isaya 41:24

To en adier ni ok unyal gimoro, kendo gik mutimo onge tich. Bende ng’ato ang’ata ma kwanou ka nyisechene en raura ka un!”

Isaya 41:29

Neyeuru kaka gin gik manono. Gimoro amora ma gitimo onge tich. Nyisechego gin mana yamo makudho!

Isaya 41:7

Kamano japecho jiwo jathedh dhahabu, kaloso nyasaye manono, kendo jal matiyo gi nyundo jiwo jal ma goyo musmal kawacho ni tich riwo nyinyo osetim maber. Eka oguro nyasaye manonono gi musmal mondo kik oyiengni.

Isaya 44:17

Bang’e bath yadhno modong’ to opayo, kendo olosogo nyasaye, mokulorene nyaka e lowo, kendo olamo, kowacho niya, “Resa, nimar in e nyasacha!”

Jeremia 1:16

Mano e kaka abiro kumo joma oseketho, moweya kendo owang’o misengni ni nyiseche mamoko, ka gilamo gik ma giloso giwegi.

Jeremia 10:11

Nyaka inyis jogo ni nyiseche mane ok ochueyo polo gi piny ibiro kethi. Ok ginichak gibed kamoro amora e piny.

Jeremia 16:20

Dhano bende nyalo loso nyiseche owuon? Ooyo, mago ok dibed nyiseche kata matin!’ ”

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Daniel 11:8

Enokaw kido mag nyiseche kaachiel gi gik ma nengogi tek mag fedha gi mag dhahabu, mi oter Misri. Bang’ bedo gi kue kuom higni mogwarore,

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Hosea 8:6

Jatich moro e Israel ema ne oloso kido manono, to kidono ok en Nyasaye! Kido mar nyaroya ma jo-Samaria lamono ibiro baro matindo tindo.

Jo-Galatia 4:8

E kinde machon ne ok ung’eyo Nyasaye, omiyo ne un wasumbini mag gik moko ma ok nyiseche kata matin.