Isaya 37:16 - MUMA MALER 2015

¹⁶ “A Ruoth Nyasaye Manyalo Gik Moko Duto, ma Nyasach Israel, mobet ewi kerubi kaka ruoth bet e komduong’ne, in kendi e Nyasach ogendini duto mae piny, kendo in ema nichueyo polo gi piny.

Motingʼo Loko Manyien

¹⁶ Yaye Jehova Nyasaye Maratego, ma Nyasach Israel, modak e kind kerubi, in kendi e Nyasaye mar pinjeruodhi duto manie piny, kendo in ema ne ichweyo polo gi piny.

Isaya 37:16 ပူးပေါင်းရင်းမြစ်များ

Chakruok 1:1

Kar chakruok, Nyasaye nochueyo polo gi piny.

2 Samuel 7:26

Nyingi mondo oyud duong’ nyaka chieng’ ka ji wacho niya, ‘Ruoth Nyasaye Manyalo Gik Moko Duto en Nyasach Israel.’ Kamano dhooda nodongi e nyimi,

1 Ruodhi 18:32

Kitego nolosogo kendo-mar-misango ni Ruoth Nyasaye. Nokunyo bur molworo kendo-mar-misango. Burno dine rom ting’o migerni ariyo mag koth ngano.

1 Ruodhi 8:6

Eka jodolo norwako Sandug Muma mar Ruoth Nyasaye kama nolosne e bwo buomb kerubi, ei ot maiye mar Hekalu miluongo ni Kama Ler Moloyo,

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

Ezra 1:3

Jo-Ruoth Nyasaye duto man kuomu nyalo dhi Jerusalem e piny Juda mondo ochak oger Hekalu ni Ruoth Nyasaye ma Nyasach Israel, ma dalane en Jerusalem, kendo Nyasaye mondo obed kode.

Zaburi 146:6

ma jachuech polo gi piny kod nam, kaachiel kod gik moko duto manie igi, en jahawi. Ruoth Nyasaye pile rito singruokne.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 46:7

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 80:1

A Jakwadh Israel, winjwa, in ma itelo ni nyikwa Josef ka ng’ama telo ni jambe! Rienynwa in mibet e kerubi kaka ruoth mabet e kom duong’ne.

Zaburi 86:10

nimar in kendi Nyasaye, ema iduong’, kendo in ema itimo gik malich ma iwuoro.

Zaburi 99:1

Ruoth Nyasaye e ruoth, kendo mano miyo ogendini kirni! Obet e kom duong’ne ewi kerubi, kendo piny yiengni!

Wuok 25:22

Kanyo ema naromie kodi, kendo ka an ewi raum e kind kerubi ariyo manie wi Sandug Rapar, anamiyi chikena duto, iter ni jo-Israel.

Isaya 37:15

kokwaye niya,

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 40:22

ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Isaya 40:28

Donge ung’eyo, koso pok uwinjo, ni Ruoth Nyasaye ma Nyasaye mochwere, kendo ma Jachuech piny malichni duto, ok ol, kendo ok nyosre? Parone tut, ma odhiero dhano ng’eyo.

Isaya 42:5

Ruoth Nyasaye mane ochueyo polo mi oyaro, kendo ochueyo piny gi gik mangima duto mantie, mi ochiwo muya ni joma odakie kod gik moko duto mangima, wacho kama:

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Isaya 45:12

An ema ne achueyo piny, mi aketoe dhano. Ne ayaro polo gi lweta awuon, mi achiko gik moko duto mantie mondo oliel.

Isaya 45:22

Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Isaya 6:3

Ne giluongore, ka moro ka moro kok ni wadgi niya, “Mano kaka Ruoth Nyasaye Manyalo Gik Moko Duto ler! Oler adier! Yaye mano kaka oler! Piny duto opong’ gi duong’ne.”

Isaya 8:13

Ruoth Nyasaye Manyalo Gik Moko Duto, ema nyaka ikwan ni ler. En ema nyaka imiye luor, kendo en ema nyaka kibache goyi.

Johana 1:3

kendo en ema nomiyo ochue gik moko duto. Onge gimoro kata achiel mane ochue maonge en.

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Jo-Kolosai 1:16

nikech kuome ema ne Nyasaye ochueyoe gik moko duto manie polo kendo manie piny, ok mana gik mineno kende, to koda ka gik ma ok ne bende, kaka loch, gi duong’, gi ruodhi, kod teko. Mago duto Nyasaye nochueyo kuom Kristo, kendo ni Kristo.

Jo-Hibrania 4:16

Emomiyo wasuduru gi chir e nyim kom Nyasachwa mang’won, mondo okechwa, kendo okonywa kuom ng’wonone e kinde ma wadwaroe kony.

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.