Isaya 36:9 - MUMA MALER 2015

⁹ Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

Motingʼo Loko Manyien

⁹ Ere kaka koro uparo ni unyalo loyo achiel kuom jotend jolweny matinie moloyo mag ruodha ka uketo genou mana kuom jolwenj Misri gi faresegi?

Isaya 36:9 ပူးပေါင်းရင်းမြစ်များ

2 Ruodhi 18:24

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

2 Ruodhi 7:6

nimar Ruoth Nyasaye nosemiyo oganda jo-Aram owinjo koko mar geche gi farese, machalo oganda maduong’, mi giwacho kendgi niya, “Winjuru! Ruodh Israel osewako ruodhi mag jo-Hiti gi mag jo-Misri mondo obi oked kodwa.”

Ngeche 21:31

Inyalo gawo farese mondo obed moikore ni lweny, to Ruoth Nyasaye ema miyo ilocho.

Isaya 10:8

Owacho niya, “Donge jotenda duto gin ruodhi?

Isaya 20:5

Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Isaya 30:7

Adier, kata ka gitero mwandugi ni jo-Misri kamano, to kony ma ubiro yudo kuomgi romre gi nono. Mano ema omiyo achako Misri ni Rahab, ondiek ma budho abudha.

Isaya 31:3

Jo-Misri gin mana ji, to ok gin Nyasaye, bende faresegi gin mana ring’o to ok gin roho. Omiyo ka Ruoth Nyasaye orieyo bade mondo okumgi, to joma ikonyo kaachiel gi joma konyogi, nopodh piny, mi gilal nono giduto.

Isaya 36:6

Ang’eyo ni idhialori nikech jo-Misri, to nyaka ing’e ni jo-Misri chalo gi odundu mobarore, ma ka ng’ato oyiengoree, to pilore kendo chwowo lwete. Mano e kaka Farao, ruodh Misri, chalo, ni jogo duto mogeno kuome!’

Isaya 36:8

“Koro in Hezekia, singri ni ruodh Asuria ma atiyone! Ayie miyi farese alufu ariyo kapo nono ni inyalo yudo joma idhogi!

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Rapar mar Chik 17:16

Kik ruodhno bed gi farese mang’eny, to bende kik oor jo-Israel Misri mondo oomne farese moko ni eka omed bedo gi farese mang’eny, nimar Ruoth Nyasaye nokwerou ni kik udog kuno kendo ngang’.