Isaya 36:8 - MUMA MALER 2015

⁸ “Koro in Hezekia, singri ni ruodh Asuria ma atiyone! Ayie miyi farese alufu ariyo kapo nono ni inyalo yudo joma idhogi!

Motingʼo Loko Manyien

⁸ “ ‘Biuru sani mondo uwinjru gi ruodha, ma en ruodh Asuria: Abiro miyou farese alufu ariyo, ka unyalo yudo joma riembogi!

Isaya 36:8 ပူးပေါင်းရင်းမြစ်များ

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

1 Ruodhi 20:18

Nodwoko ni, “Makgiuru ka gingima, bed ni gibiro gi kue, kata gibiro kedo kodwa.”

2 Ruodhi 14:14

Nokawo dhahabu gi fedha kod gik moko duto mane onwang’o e Od Ruoth Nyasaye, kod kar keno mar od ruoth, bende nokawo ji moko, motueyo ka gir singo. Eka nodok Samaria.

2 Ruodhi 18:13

E higa mar apar gabich mar loch Hezekia, Senakerib ruodh Asuria nomonjo miech Juda duto mochiel gi ohinga, mokawo.

2 Ruodhi 18:23

“Koro in Hezekia, singri ni ruodh Asuria ma atiyone! Ayie miyi farese alufu ariyo, kapo nono ni inyalo yudo joma diidhgi!

Isaya 36:2

Ne ooro Rabshake kod oganda lweny mang’ongo ka en Lakish mondo odhi Jerusalem ir ruoth Hezekia. Kane Rabshake ochopo kuno, ne ochung’ but fereji magolo pi e yawo mamalo man yo mochiko puodho miluongo ni Puoth Jalwok Lewni.

Isaya 36:7

To kuwachona ni ugeno kuom Ruoth Nyasaye ma Nyasachu, to donge en e Nyasaye ma Hezekia oseketho hembkone gi kuonde mitimonee misengni, kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem kende?

Isaya 36:9

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?