Isaya 36:6 - MUMA MALER 2015

⁶ Ang’eyo ni idhialori nikech jo-Misri, to nyaka ing’e ni jo-Misri chalo gi odundu mobarore, ma ka ng’ato oyiengoree, to pilore kendo chwowo lwete. Mano e kaka Farao, ruodh Misri, chalo, ni jogo duto mogeno kuome!’

Motingʼo Loko Manyien

⁶ Neuru, sani koro uketo genou kuom Misri, machalo odundu mobarore ma ka ngʼato orere to opilore mochwo ngʼatno kendo kelo adhola! Mano e kaka Farao ruodh Misri chalo ne joma ogeno kuome.

Isaya 36:6 ပူးပေါင်းရင်းမြစ်များ

2 Ruodhi 17:4

To ruodh Asuria noyudo ni Hoshea ndhoge, nikech Hoshea noseoro joote ir So ruodh Misri, bende noweyo chulo osuru kaka nosebedo kotimo higa ka higa. Kuom mano, ruodh Asuria nomake, mokete e od tuech.

2 Ruodhi 18:21

Ang’eyo ni idhialori nikech jo-Misri, to nyaka ing’e ni Farao ruodh Misri chalo gi odundu mobarore, ma ka ng’ato oyiengoree, to pilore, kendo chwowo lwete. Mano e kaka Farao ruodh Misri chalo ni ji duto mogeno kuome.

Zaburi 146:3

Kik ugen kuom jotelo mag piny, kata kuom ng’ato ang’ata ma ok nyal warou,

Ngeche 25:19

Geno kuom ng’at ma mibadhi ka in e chandruok chalo gi muodo gimoro gi lak malit, kata wuotho gi tielo mowil,

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 31:3

Jo-Misri gin mana ji, to ok gin Nyasaye, bende faresegi gin mana ring’o to ok gin roho. Omiyo ka Ruoth Nyasaye orieyo bade mondo okumgi, to joma ikonyo kaachiel gi joma konyogi, nopodh piny, mi gilal nono giduto.

Ezekiel 17:17

E kinde ma jo-Babulon obiro donjoe Jerusalem, ka gingo pidhe mag lowo kendo kunyo buche e dir ohinga, to Farao ok noorne oganda lweny maduong’ mondo okonye, omiyo ji notho mang’eny.

Ezekiel 29:16

Kamano jo-Israel ok nochak oket genogi kuomgi. Masira momako Misrino nonyis jo-Israel kaka ne giketho ka giketo genogi kuom jo-Misri. Bang’e jo-Israel nong’e ni an e Ruoth Nyasaye.”