Isaya 36:4 - MUMA MALER 2015

⁴ Eka Rabshake nowachonigi niya, “Nyisuru Hezekia ni ruoth maduong’ ma ruodh Asuria owacho kama: ‘Ere gima omiyo idhialori kamano?

Motingʼo Loko Manyien

⁴ Jatend lweny nowachonegi niya, “Wachneuru Hezekia kama: “ ‘Ma e gima ruoth maduongʼ, ma ruodh Asuria wacho: En kama nade miketoe genoni momiyo in-gi chir kama?

Isaya 36:4 ပူးပေါင်းရင်းမြစ်များ

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

2 Ruodhi 18:5

Hezekia nogeno Ruoth Nyasaye ma Nyasach Israel, kendo onge ruoth moro machal kode kuom ruodhi duto mag Juda,

2 Ruodhi 19:10

“Kik iyie Nyasachi migeno kuomeno wuondi ni ruodh Asuria ok nokaw Jerusalem

Zaburi 42:10

Gigoyona siboi, kendo ginyiera, ka athagora. Odiechieng’ duto gipenja niya, “Nyasachi nogo ni kanye?”

Zaburi 42:3

Aywak odiechieng gotieno, kendo pi wang’a kende e chiemba, nimar seche duto wasika penja niya, “Nyasachi nogo ni kanye?”

Ngeche 16:18

Sunga kelo masira, kendo ng’ayi miyo ng’ato chwanyore.

Jeremia 48:14

“Un jo-Moab, ere gimomiyo uketoru ni un thuondi mosekedo e lwenje mager?

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Juda 1:16

Jogi gin joma keko akeka, kendo ng’ur ang’ura. Giluwo mana gombo mag ringregi giwegi, bende gisungore marach, kendo giwuondo ji gi weche mamit mondo giyud gik ma gidwaro.