Isaya 36:22 - MUMA MALER 2015

²² Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

Motingʼo Loko Manyien

²² Eka Eliakim wuod Hilkia jatend od ruoth gi Shebna jagoro kod Joa wuod Asaf, jachan weche mag piny, nodhi ir Hezekia ka lepgi oyiech kendo negiwachone gima jatend lwenyno osewacho.

Isaya 36:22 ပူးပေါင်းရင်းမြစ်များ

2 Ruodhi 18:18

Ne giluongo ruoth, to Eliakim wuod Hilkia, mane jaduong’ od ruoth, gi Shebna jagoro, kod Joa wuod Asaf, ma jachan weche mag piny, ema ne jowuok irgi.

2 Ruodhi 5:7

Kane ruodh Israel osomo barua noyiecho lepe, kowacho niya, “An e Nyasaye koso, ma anyalo nego ng’ato kata miye ngima, momiyo jali orona ng’ato mondo athiedh dhohone? Neuru kaka odwaro dhaw kodwa!”

Ezra 9:3

Kane awinjo wachno, nayiecho lawa kod abolana, mapudho yie wiya gi yie tika, kendo nabet piny ka dhoga omoko.

Isaya 22:15

Bang’e Ruoth Nyasaye Manyalo Gik Moko Duto nowachona niya, “Dhiyo ir jakeno ma nyinge Shebna, ma jarit od ruoth, mondo ipenje kama:

Isaya 22:20

Chieng’no analuong jatichna Eliakim wuod Hilkia mondo okaw kari.

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 33:7

Neuru kaka thuondu ywak e wang’yore. Adier, joote museoro mondo odwar kue, ywak malit.

Isaya 36:11

Eka Eliakim gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

Isaya 36:3

Eliakim wuod Hilkia ma jaduong’ od ruoth, gi Shebna jagoro, kod Joa wuod Asa jachan weche mag piny ne jowuok modhi ire kanyo.

Jeremia 36:24

To ruoth, kata ng’ato ang’ata kuom jodonge ne ok obedo maluor, kata yiecho lepgi ma dinyis ni giloko chunygi.

Mathayo 26:65

Kane jodolo maduong’ owinjo kamano, noyiecho lawe kowacho ni, “Oseyanyo Nyasaye! Koro ang’o momiyo pod wadwaro joneno? Ero, usewinjo kaka oyanyo Nyasaye!