Isaya 36:20 - MUMA MALER 2015

²⁰ Kuom nyiseche duto mag pinjego, ere moro mosereso pinye e lweta, ma dimi upar ni Ruoth Nyasaye nyalo reso Jerusalem e lweta?’ ”

Motingʼo Loko Manyien

²⁰ Kuom nyiseche duto mag pinjegi, en mane mosereso pinye e lweta? To koro ere kaka uparo ni Jehova Nyasaye nyalo reso Jerusalem e lweta?”

Isaya 36:20 ပူးပေါင်းရင်းမြစ်များ

1 Ruodhi 20:23

Jodong Aram nowacho ni ruodhgi niya, “Nyasach jogo en nyasach gode; mano emomiyo ne giloyowa. Koro onego waked kodgi e pap, eka wanalogi adier.

1 Ruodhi 20:28

Ng’at Nyasaye moro nodhi ir ruodh Israel, mowacho ne niya, “Ruoth Nyasaye owacho kama: ‘Jo-Aram osewacho ni Ruoth Nyasaye en nyasach gode, to ok en nyasach holni. Omiyo abiro chiwo oganda maduong’ni duto e lweti, eka unung’e ni an e Ruoth Nyasaye.’ ”

2 Weche mag Ndalo 32:15

Omiyo koro kik uyie Hezekia wuondu kendo witu kamano, bende kik uyie wechene, nimar onge nyasach oganda moro kata piny moro amora mane nyalo reso joge e lweta kata e lwet kwerena. To koro ere kaka Nyasachu diresu e lweta?”

2 Weche mag Ndalo 32:19

Ne giwuoyo kuom Nyasach Jerusalem mana kaka ne giwuoyo kuom nyiseche mag jopinje mamoko molos gi lwet dhano.

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Zaburi 73:9

Giwuoyo marach kuom Nyasaye manie polo, kendo gigolo chike ni joma nie piny ka gisungore.

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Isaya 36:15

Bende kik uwe ohou ni mondo ugen kuom Ruoth Nyasaye, kowachonu ni, adier Ruoth Nyasaye ema noresu, kendo ni ruodh Asuria ok nokaw dala maduong’ni.

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Ezekiel 35:13

Bende asewinjo ka uwuoyo kuoma gi sunga, ka uyanya.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”